Homa 8:9 - Deoso-ka Yama Hani

⁹ Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Homa 8:9 ပူးပေါင်းရင်းမြစ်များ

Roka 11:13

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso‑ka Doni dai‑ya sawibona dai ati na, Deoso dai haaniya, yama‑ya daanebonane, ai‑ka Abi neme‑ke toheri.” Yeso ati nematane.

Yowaho 14:17

Deoso‑ka Doni Deoso ati yokana‑ya ka‑kamina amane. Bofe‑ka Deoso‑ka Doni‑ya mai awarihi, Deoso‑ka Doni‑ya mai watorihi na, fara ihi mai hinofarebonane. Dai‑ta Deoso‑ka Doni dai‑ya dabe, dai‑ya foyawahebonane.

Yowaho 14:23

“Owa‑ya mai no‑nofa, owati‑ya mai tokadababoneni. Owati‑ya mai tokadaba mai‑ya Okobi nofebonane. Okobi oda fama mai wini‑kaya oda winaboneni.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yowaho 3:6

Ai‑ka ami dori‑ya ai yana, ai‑ka ami bidi ai tohani. Deoso‑ka Doni ene ai wadamatasiya, Deoso bidi ai tohawaha, ai atibodi tamine amani.

Yeso‑ka yo‑yose mai tamine 16:7

Tabora webote Misiya‑ya mai kobona, tabora webote Bitiniya‑ya mai ati toka, Yeso‑ka Doni mai‑ya ati baritase,

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Korito daidi 15:23

Yeso Kirisito abano kitami dai tohemata, Yeso‑ka ai tohawaha, Yeso kamataseya, ai abano kitamamakitasaboneni.

Korito daidi 3:16

Deoso‑ka yobe dai toha, Deoso‑ka Doni dai‑ya sawi dai watokarini?

Korito daidi 6:17

Deoso ati‑nima ai niya, Yeso atibodi‑ya ai atibodi famawahaboneni.

Korito daidi 6:19

Ai abano Deoso‑ka Doni tabaro toha, ai‑ya Deoso hika Doni‑ya nawine, tika hidi tihara, Deoso tika hidi tohabisane.

Korito yoto‑ke 10:7

Owa mese‑ta dai awa, owatibodi dai awara, Kirisito‑ka dai toha‑mone, owa‑ta Kirisito‑ka ohara‑mone dai ati na awineni. Dai atibodi dai kadikamatasahi. Kirisito‑ka‑hari ama·ona dai awaboneni.

Korito yoto‑ke 6:16

Mai‑ka deoso hiniya wamane, Deoso yokana tabaro‑ya sawiterene. Deoso yokana tabaro ai toha, deoso hiniya wamane‑ya ai sawiriyahi. “Oka mai toha, mai atibodi‑ya osawe, mai eyehe yaka·onaboneni. Mai‑ka Deoso ama·oni.” Deoso ati nematane.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 1:13

Hibayata Yeso Kirisito tamine dai mita, ati dai nofe, hika dai tohawahineni. Deoso Ati Amosabote dai mitamaro, Yeso ati‑ya dai nofa, Deoso‑ka Doni dai‑ya sawiwahe, Deoso‑ka Doni tamine‑ya Yeso hiyare, “Owati dai nofiya, dai atibodi‑ya Deoso‑ka Doni sawiwahebonane.” Ati nematane.

Efesiyo 2:22

Bara dai tohamara, Deoso‑ka Doni dai‑ya sawi, Deoso‑ka yobe amosabote kote dai toha, kote oda toha nineni.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Firibo 1:19

Deoso‑ya owa tamine‑ya dai hiyarahi, owa‑ya mai seekanabonehe. Yeso Kirisito‑ka Doni owa‑ya kasomeya, owa‑ya mai seekanaboneni.

Timoti yoto‑ke 1:14

Deoso‑ka Doni tiwatibodi‑ya sawi, Deoso‑ka Doni ene Deoso ati yokana tihiyarabone, ati tinawadaho. Hiyara one tihiyari awiraboneni.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho daidi 4:13

Deoso ene hika Doni ai atibodi‑ya sawi ene Deoso‑ka ai toha ai watone.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.