Homa 8:8 - Deoso-ka Yama Hani

⁸ Mai atibodi bote ati‑ya mai tokadaba, mai atibodi bote mai‑ka hidi toha, mai ihi Deoso ya‑yaiterene.

Homa 8:8 ပူးပေါင်းရင်းမြစ်များ

Mateo 3:17

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Yowaho 3:3

“Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Yowaho 8:29

Owa hari terani. Owa‑ya yose‑mari owa‑ya famatene. Okobi yama hinofa‑nima oteni.” Yeso ati nemarine.

Homa 1:21

Hibati‑ya Deoso ene‑ya mai awamaro, “Yama nafi Deoso ene tohi awirini. Hiniya yama yanineni. Deoso wadaterene.” Mai atibodi ati na. Deoso‑ya mai kahiyari awira, hini mai ihi yama‑ya mai watora, mai ka‑kana na, mai‑nima mai nawaha, hini mai ihi yama soki‑nima mai atibodi nawaha, yama‑ya mai watomarani.

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito daidi 7:32

Dai korikasarabone owatibodi ati nofateni. Ai fanara Kirisito‑ka yama ai nokotoni ohariya, Kirisito ya‑yainebonane.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 3:20

Yetene, atona, madehe, mai na, dai‑ka abi, dai‑ka ami mai na, mai ati dai tokadabahi. Deoso ya‑yainebonane.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Ebereo 13:21

Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Yowaho daidi 3:22

Deoso‑ya ai hiyara, ai ati‑ya mitatene. Deoso ati ai tokadaba, yama hinofa‑nima yama na ai haana, yama‑ya daatene.