Homa 8:7 - Deoso-ka Yama Hani

⁷ Mai atibodi bote ati‑ya mai tokadaba, Deoso ati‑ya mai kaka, ati mai hikadabaterene. Mai atibodi bote Deoso ati‑ya tokadabaterani.

Homa 8:7 ပူးပေါင်းရင်းမြစ်များ

Mateo 12:34

Maka yokana‑nima dai nineni. Dai atibodi amosara, dai ene amosateraboneni. Ai atibodi ati‑nima ai ati yanateni.

Mateo 5:19

‘Deoso ati kote onofa, fara owa‑nima dai nahi. Deoso ati kote dai nofiya, dai sibaraboneni.’ Mai one ati na, Mai ati‑ya Deoso nofarebonane. Mai ati‑nima dai riyahi. Deoso ati nafi‑ya mai tokadaba, ati mai hikamine, mai ati‑ya Deoso nofabisebonane.

Yowaho 7:7

Dai‑ya mai kakoterani. ‘Mai ihi amosarani.’ Ona, owa‑ya mai kakoteni.

Homa 1:28

Deoso ati‑ya mai nofara, Deoso mai‑ya saatokase, hini mai ihi Deoso mai‑ya hiyarami awirane. Mai atibodi yama towe kobohina, hini mai atibodi ati‑nima mai ihi nawahani. Haa‑nima mai ihi rabone Deoso ati ne, haa‑nima mai ihi teni.

Homa 1:30

Mai one tamine‑mone‑ya keyehe‑ya mai hirinade, Deoso‑ya mai kako na, hini mai‑ya mai atibodi kahiyara, “Amosabotebisa oda amani.” Mai ati na. Hini mai atibodi yama towe hikadika‑nima mai ihi na, mai‑ka abi mai‑ka ami mai na, mai ati‑ya mai tokadabaterani.

Homa 3:31

“Yeso Kirisito ati ai nofiya, Deoso ai‑ya ati somawameya, Mose ati fawanebonane.” Dai ati na awineni. Mose ati fawani awirebonane. Deoso ati Mose hikanahanomata, ati‑nima yama nabone ai watoneni.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 7:22

Deoso ati owatibodi yati nofi nafineni.

Homa 8:4

Deoso ati‑nima ai nawahabone, Deoso‑ka Doni ai‑ya sawi, ai‑ya kasome, Deoso ati ai tokadababone, ai ene towe tohamaraboneni.

Korito daidi 2:14

Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.

Korito daidi 9:21

Mose ati‑ya mai tokadabara mai‑ya osawe, mai‑nima onihi, Deoso ati‑ya mai nofawahabonehe. Deoso ati‑nima onasa onihi, Yeso Kirisito ati‑nima onasa onihi, oteni.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Timoti yoto‑ke 3:4

Bara mai‑ya mai‑ka owa‑ya mai daanaboneni. Hini mai‑ya mai nofabone mai one‑ya mai nofara, yama mai ati kobohina‑ya mai kayafateni. Deoso‑ya mai ati nofarini.

Ebereo 8:10

Makobote Isara·eo‑ka nodi mai‑ka yama hani yati tohamakitasa, mai‑ya ohiyaramakitasaboneni. Mai okanawatabone, mai atibodi‑ya owati okanahanabone, oka mai tohawahabone, mai‑ka Deoso yokana ohawahaboneni.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Bedoro yoto‑ke 2:14

Mai fanawi‑ya mai ahabone mai nokotonihe, mai ihi amosara, Deoso ati‑ya mai fanawi one wato bide toha, mai‑ya mai keyeheteni, mai‑ya mai ahabonehe. Mai one yahi hone‑ya mai yaba, madehe narabi hawira‑nima mai na, hini mai ihi Deoso mai‑ya bisinebonane.