Homa 8:5 - Deoso-ka Yama Hani

⁵ Mai atibodi bote ati‑ya mai tokadaba, yama towe‑ya mai nokotoniteni. Mai atibodi yati ati‑ya mai tokadaba, Deoso‑ka Doni ya‑yainebona‑ya mai nokotonibisateni.

Homa 8:5 ပူးပေါင်းရင်းမြစ်များ

Maroko 8:33

Bedoro‑ya Yeso hiyarebona, kiinawame, hika mai da‑daba mai one‑ya noko tokome, ati yanane, “Satanasi ati‑nima tiwati nineni. Owa‑ya tiwati baririyahi. Deoso‑ka yama nokotini awira, hini tiwatibodi ati‑ya nokotinibisineni.” Yeso ati nematane.

Yowaho 3:6

Ai‑ka ami dori‑ya ai yana, ai‑ka ami bidi ai tohani. Deoso‑ka Doni ene ai wadamatasiya, Deoso bidi ai tohawaha, ai atibodi tamine amani.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito daidi 15:48

Bofe‑ya ai wi‑wina Adaho abano‑nima ai abano na, neme‑ya ai winiya, Kirisito abano‑nima ai abano nawahaboneni.

Korito daidi 2:14

Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.

Korito yoto‑ke 10:3

Bofe‑ya ai nafi wina, ai ibi weena, ai ati kiti awirini. Deoso ai‑ya weene, ati kitatene. Deoso ati‑nima owati na, dai‑ya wee·oniya, owati kitaboneni.

Karatiya 5:17

“Deoso‑ka Doni ati okadababoneni.” Ai atibodi yati ati teni. “Owa ene‑maro‑nima owa ene namatasaboneni.” Ai atibodi bote ati teni. Ai atibodi bote ai atibodi yati‑ya kaka, Deoso‑ka Doni ati‑ya ai tokadabiya, nofaterani.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Bedoro yoto‑ke 2:10

Ai one Satanasi ati‑ya mai tokadaba, mai one‑ya mai nokotoniteni, mai‑ya mai ahabonehe. Mai‑ka hidi ati‑ya mai kaka, Satanasi‑ka madi mai kiti ba‑basi na mai toha, mai tamine‑ya mai weeni kofina, mai habi siitora, mai ihi‑ya Deoso kadikebonane.