Homa 8:39 - Deoso-ka Yama Hani

³⁹ Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Homa 8:39 ပူးပေါင်းရင်းမြစ်များ

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Yowaho 16:27

Owa‑ya dai nofa, Yeso Deoso‑ka amane dai ati na, fara ihi Okobi dai‑ya nofi nafine.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 11:33

Ka! Yama nafi‑ya Deoso wato, ene nafi ai watorihi, ati nafi ai watorihi ne, yama ai wata‑ya Deoso‑ka yama wato fiyakani nafineni.

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:35

Kirisito ai‑ya nofi nafi, ai‑ya nofi fawaterebonane. Ai‑ka yama kome kita, ai‑ya nofa, ai‑ya mai bisina, ai‑ya nofa, ai fimi nafe, ai‑ya nofa, ai‑ka bora wadara, ai‑ya nofa, ai abi yanatona, ai‑ya nofa, ai‑ya mai nanahaba, Kirisito ai‑ya nofatene.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Korito yoto‑ke 2:11

Satanasi ene ai wato, fare dai owa‑ya keyehe‑ya hirikanamarebona, dai ati somawamiyahi.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Firibo 3:12

Yama nafi owato awisa ora, owa ene amosa hinama tohi awisara, Yeso‑ka oha, Yeso Kirisito‑nima onabone, fare‑ya owatibodi nokotonineni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Tesaronika yoto‑ke 2:4

Satanasi‑ka owa koboneya, hini‑ya kahiyare, Deoso‑ka mai‑ya kakotebona, “Mai one dai kahiyarariyahi. Owa‑ta owa dai kahiyarabisahi.” Ati nebonane. Deoso‑ka yobe‑ya itariya, “Deoso yokana ama·oni.” Ati nebonane.

Yowaho daidi 4:16

Deoso ene oda awemari, oda nafi‑ya nofe oda watowahane. Ai nafi‑ya Deoso nofe, fare‑nima mai ai nofa, Deoso‑ka ai toha, ai atibodi‑ya sawitene.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 13:14

Bani Hame wami‑ke ene kite‑ya bofe‑ka mai awa, hika keyehe mai hikadaba, “Bani Hame faha‑ke yima ihi‑ya nawademari, kitame, korimari dai wamanahi, korimari dai kahiyarebonaha.” Bani Hame wami‑ke ati nene.

Yeso Kirisito ene‑bona 19:20

Mai kiti awirani. Bani Hame faha‑ke toha, Deoso ati‑ya mi‑mita‑mona ati ne toha, mai na, mai‑ya mai wata, mai‑ya mai nanahabi awira, hiniya wara hirini‑ya yati hirini sawini‑kaya mai‑ya mai korotoniki amani. Deoso ati‑ya mi‑mita‑mona ati ne, hiniya keyehe‑ya hi‑hiri, ene kite bofe‑ka mai awiya, hika keyehe mai hikadabamaroni. Bani Hame faha‑ke‑ka yo‑yose amane. Keyehe‑ya hi‑hiri ene Bani Hame faha‑ke oni korimari‑ya bofe‑ka mai kobobokanihe, Bani Hame faha‑ke korimari‑ya mai kahiyara namaroni.

Yeso Kirisito ene‑bona 2:24

Tiyatira‑ya dai wi‑wina dai one ati amosara, mai ati‑ya dai tokadabara, Satanasi ene‑nima dai ene ni awira, dai sibarineni.

Yeso Kirisito ene‑bona 20:3

Hodi yaba‑ya korohini, nokobi‑ya barikawamene, Dafi‑ka keyehe‑ya bofe‑ka mai mitamarabonehe. Faha fowe 1.000 kani hawa tohiya, dafi‑ya seekaneya, hiwatamatasebonane.

Yeso Kirisito ene‑bona 20:7

Faha fowe 1.000 kani hawa tohiya, Satanasi‑ya seekanebonane.