Homa 8:38 - Deoso-ka Yama Hani

³⁸ Yama ai watowaha, Deoso ai‑ya nofe, ai nofi‑ya fawaterebonane. Ai aba, ai‑ya sawi, ai hasina, ai‑ya sawitene. Deoso‑ka yo‑yose mai ati ihi ai‑ya kanakiterene, Satanasi‑ka madi mai kiti bi‑bidi na mai toha, hika madi mai kiti ba‑basi na mai toha mai na, mai ihi Deoso ai‑ya kanakiterene. Hibayata yama toha, makobote yama toha na ihi Deoso ai‑ya kanakiterene. Ai‑ya nofi fawaterebonane.

Homa 8:38 ပူးပေါင်းရင်းမြစ်များ

Yowaho 10:28

Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.

Homa 14:7

Kirisito‑ka ai toha hini ai ene ai hasira, Deoso ene ai hasinibisineni, mai ai kasomabonehe. Ai ababone, hini ai ene ai abara, Deoso ene ai aba, Deoso ai kahiyaraboneni.

Homa 14:8

Bofe‑ya ai hasinasa niya, Kirisito ai kahiyara, ai abawaha, Deoso tabaro‑ya ai tokabone Kirisito ai kahiyara, ai naboneni. Kirisito‑ka ai toha ai hasi ai aba na, Kirisito ai kahiyara teni.

Homa 4:21

“Deoso kitabote ati‑nima yama naboneni.” Abaraho atibodi ati ne, habo kitematane.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Korito daidi 15:24

Yeso kameya, neme‑ya mai wi‑wina mai toha, bofe‑ya mai wi‑wina mai toha, bai‑ya mai wi‑wina mai toha na, Deoso ati‑ya mai nofara, wara hirini‑ya Yeso mai‑ya weretowitibonane. Makobote yama hasina‑ya Badi i‑di Deoso‑ya daaneya, yama nafi hawa tohawahaboneni.

Korito yoto‑ke 11:14

Mai‑ka hidi i‑di Satanasi Deoso‑ka yo‑yose‑mona, hini‑ya tonihi tene.

Korito yoto‑ke 4:13

“Deoso ati onofe ene owati yananineni.” Ai owa ati nane, Deoso‑ka yama hani‑ya. Fare‑nima Deoso ati oda nofa, oda ati yananineni.

Efesiyo 1:21

Deoso kitabote toha, Yeso Kirisito kitabote toha nane. Webote mai one toha, hidi mai toha na, mai kiti bi‑bidi, Deoso‑ka yo‑yose mai toha, madi mai toha, mai na, mai kiti bi‑bidi, bofe‑ya mai wi‑wina, neme‑ya mai wi‑wina, mai na, mai kiti bi‑bidi nineni. Kirisito‑ta kiti nafibisane. Kirisito oni amosabotebisa amane. Hibayata Kirisito kitabote tohe, makobote Deoso tabaro‑ya ai koboniya, Kirisito kitabote tohebona, kiti fawaterebonane.

Koroso 1:16

Kirisito yama nafi‑ya wamane, neme‑ya mai wi‑wina‑bone mai‑ya wama, bofe‑ya mai wi‑wina‑bone mai‑ya wama, yama ai awa‑ya wama, yama ai awara‑ya wama, Deoso‑ka yo‑yose mai toha, mai‑ka webote mai toha na, mai‑ya wama, madi mai‑ya wama, mai‑ka webote mai toha mai‑ya wama, mai‑ka hidi mai toha ne‑ya wama nematane. Deoso eyehe yama nafi‑ya Kirisito wamanemata, yama nafi‑ka hidi Kirisito tohawahebonane.

Koroso 2:15

Awa‑ya Kirisito abe, ai manakone‑ya nanahabemarine. Hibati‑ya Satanasi kite mai ati namaro, kitare ai watowaha, neme‑ya mai wi‑wina Satanasi kitare‑ya mai nafi watowahineni.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Ebereo 11:13

Mai tamine okanahana, mai abiya, Deoso ati‑nima yama nabone, nafi‑ya mai awi awisara, mai aba, Deoso ati‑ya mai atibodi nofasa na, “Deoso ati‑nima yama naboneni. A‑ahi‑ya oda tabaro yokana awirani. Neme‑ya oda tabaro yokana‑bone tohabisani.” Mai atibodi ati nameteni.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.