Homa 8:37 - Deoso-ka Yama Hani

³⁷ Ai‑ya mai kaka, ai‑ya mai ati nanahaba na, Yeso ai‑ya nofi nafi, ai‑ya kasome, ai habo siitora, ai habo kiti ba‑basi na, ai ya‑yaiteni.

Homa 8:37 ပူးပေါင်းရင်းမြစ်များ

Korito daidi 15:57

Deoso‑ya ai kahiyarahi. Deoso ene ai‑ka Ayo Yeso Kirisito ai manakone‑ya nanahabane, ai abarabonehe.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Yeso Kirisito ene‑bona 21:7

Haa‑nima yama naboneni. Hawi bai‑ya mai maakani awiriya, oka tabora‑ya mai saweboneni. Mai‑ka Deoso ohaboneni. Oka dao mai tohaboneni.

Yeso Kirisito ene‑bona 12:11

‘Yeso ati‑ya dai nofa dai hiyari fawani awiriya, dai‑ya oda nanahababoneni.’ Satanasi‑ka mai one ati nineni. ‘Oda aba, oda sibaraboneni.’ Mai ati namaroni. Kaneiro Bidi emene ene mai kita, Deoso oni‑ya mai saatonakosi awira ihi Satanasi kiti wadami awirane.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Korito yoto‑ke 12:9

“Baoro, tiwa eme komene fawaraboneni. Sibaraboneni. Tiwa okasomaboneni. Tiwa eme kitara, tiwa ene‑ta kita‑ya mai awa, owa ene toha‑ya mai watowahaboneni. Tiwa eme komara‑mani, owa ene‑ya mai watora neni.” Kirisito ati nemarine. Owa eme koma tamine okamina, ya‑yai·oneni, Kirisito ene‑ya mai awabonehe.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Korito daidi 15:54

Ai abano bote fawaniya, ai abano yati ai sakonawaha, Deoso ati‑mata‑nima yama nawahaboneni. “Ai abamaterabone, Deoso tabaro‑ya ai wini ohareboneni.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Yeso Kirisito ene‑bona 3:9

‘Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani. Owati dai mitahi. Dai yowi‑ya mai yobati‑kaya mai waakeboneni, dai‑ya mai kahiyarabonehe. ‘Deoso dai‑ya nofane.’ Mai ati naboneni.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Homa 8:35

Kirisito ai‑ya nofi nafi, ai‑ya nofi fawaterebonane. Ai‑ka yama kome kita, ai‑ya nofa, ai‑ya mai bisina, ai‑ya nofa, ai fimi nafe, ai‑ya nofa, ai‑ka bora wadara, ai‑ya nofa, ai abi yanatona, ai‑ya nofa, ai‑ya mai nanahaba, Kirisito ai‑ya nofatene.