Homa 8:3 - Deoso-ka Yama Hani

³ Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 8:3 ပူးပေါင်းရင်းမြစ်များ

Maroko 15:27

Yama‑ya mai bo‑boti mai fama mai‑ya mai baakana, Yeso mano kanika‑ya owa mai baahikana, mano sayo‑kaya owa mai baahikana hinemarine.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 9:24

Mai haahinamatase, kameya, mai hiyara, “Maki ati kasiro oda watoneni. Deoso tinofiya, maki tinofaraboneni. Tiwati oda mitaboneni.” Mai ati nameteni.

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 7:18

Owatibodi bote yama amosa‑ya nofara. Yama amosa onofabisa, yama amosa‑ya owatonasa oni awirani.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Karatiya 3:21

I‑di Abaraho‑ya Deoso hiyare, ati amosa, i‑di Mose‑ya Deoso hiyare, ati amosahari nane. Deoso ati abaterene. Mose ati ene ai manakone aba‑mani, ai‑ya Deoso ati somawame nane. Mose ai manakone‑ya nanahabaterene.

Firibo 2:7

Hiniya hika yama nafi‑ya daane. Mai‑ya ai na‑narifa, ai‑nima Kirisito nawawahane.

Ebereo 10:12

Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 2:14

Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.