Homa 8:29 - Deoso-ka Yama Hani

²⁹ Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Homa 8:29 ပူးပေါင်းရင်းမြစ်များ

Mateo 12:50

Okobi neme‑ke ati‑nima mai niya, okomi mai toha, oka soho mai toha, oka asima mai toha, mai nineni.” Yeso ati nemarine.

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Mateo 28:10

“Dai habo siitoriyahi. Oka soho mai dai hiyariyahi. Karireya‑kaya mai tokiyahi. Karireya‑kaya owa‑ya mai awaboneni.” Yeso ati nematane.

Mateo 7:23

‘Dai oyoseramaroni. Dai tokahi, dai ene amosararo.’ Onaboneni.” Yeso ati nemarine.

Yowaho 17:16

Bofe‑ka mai‑ka owa ohara, oka mai toha bofe‑ka mai‑ka one mai tohahari awirini.

Yowaho 17:19

Mai manakone onahababoneni, tika mai tohabonehe.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 15:49

Hibayata i‑di Adaho abano‑nima ai abano na, makobote i‑di Yeso Kirisito abano‑nima ai abano nawahaboneni.

Korito daidi 2:7

Hibati‑ya Deoso ati‑ya mai mitaramete, ati ohiyarawahene. Ai‑ka idi‑bona‑ya Deoso wamani awisareya, hini‑ya hiyare, “Oka dao oyoseboneni. Oka dao oyose, ati‑ya mai nofiya, owa tabaro‑ya mai winawahaboneni.” Deoso ati nematane.

Korito daidi 8:3

Deoso ai nofe ai‑ya wato nafitene.

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Efesiyo 1:11

Hibati‑ya Deoso ai‑ya kadikematane, Kirisito‑ka ai tohabonehe. Deoso tabaro‑ya ai koboniya, yama Deoso ati daahinamaro ai kayafaboneni. Deoso ati‑nima yama nafi nawahaboneni.

Efesiyo 4:24

Deoso amose‑nima dai atibodi yati nabone‑ya Deoso wamanematane. Fara bora yati dai sakona‑nima dai atibodi yati dai sakonahi, dai ene amosabonehe.

Firibo 3:21

Hibayata ai kitara, Yeso kameya, ai abano yati tohawahaboneni. Hini abano amosabote‑nima ai abano nawahaboneni. Yeso ene kite, yama nafi‑ya kayafebonane.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.