Homa 8:28 - Deoso-ka Yama Hani

²⁸ Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Homa 8:28 ပူးပေါင်းရင်းမြစ်များ

Maroko 12:30

Ai‑ka hidi webote i‑di Deoso dai nofi nafihi. Yama one dai nofi nafiriyahi. Deoso‑ta dai nokotonibisahi.’ Yama hani ati na, ati amosabote amani.

Yeso‑ka yo‑yose mai tamine 13:48

Baoro ati‑ya Bara mai mita, mai ya‑yaina, Deoso ati‑ya mai kahiyara, Deoso mai‑ya kadikemata, Yeso ati‑ya mai nofawahani.

Homa 11:29

Deoso ati abaterene, ati‑nima yama naboneni. Deoso yama‑ya ati daane, yama‑ya daanebonane. Mai‑ya kasomebona ati ne mai‑ya kasomebonane.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Homa 9:11

Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 1:24

Deoso mai‑ya haanemataya, “Deoso ene Kirisito kitabote amane.” Yodeo mai ati teni. “Deoso ene Kirisito yama nafi‑ya watobisane.” Kereko mai ati teni.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 2:9

Deoso ai nofa ai‑ka yama amosabote Deoso wamahinamete‑ya ai‑ya daanebonane. “Ai‑ka yama‑bone‑ya mai awarihi, yama tamine‑ya mai mitarihi, ai‑ka yama‑bone hibati‑ya ai watorihi nineni.” Deoso‑ka yama hani ati nineni.

Korito yoto‑ke 5:1

Yobe ewene kitare, aba kanibote tene. Yobe ewene kitare‑nima ai abano na, ai amoni fa‑famaraba niya, ai aba, neme‑ya ai abano bara Deoso ai‑ya daanebona, neme‑ka ai kayafa, abateraboneni.

Karatiya 1:15

Deoso owa‑ya nofe, owadi awisari‑ya owa‑ya kadikematane, ati okaminebonaha.

Karatiya 1:6

Hibati‑ya Kirisito ene Deoso dai‑ya haane, Ati Amosabote dai nofemari, ati dai nofami awire, mai one ati‑ta dai nofawahamoneni. Ka! Hini yamata‑bone mai ati dai nofawahiti? Mai ati amosabisa‑mone dai ati na awineni.

Karatiya 5:8

Deoso dai‑ya haanemari, hini ene tohi awirene.

Efesiyo 3:11

Yama nafi‑ya wamani awireya, Yeso‑ka ai tohabone, ai tamine nafi‑ya Deoso wato, ai‑ka Hidi Yeso Kirisito tohebona‑ya wato, ai hinama tohabone, ai tamine‑ya wato nematane.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Firibo 3:14

Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Tesaronika daidi 5:9

Hibati‑ya Deoso ai‑ya kadikemata, ai‑ka Ayo i‑di Yeso Kirisito ene hika mai ai tohaboneni. Deoso yawe ai‑ya koborebonane.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Bedoro daidi 3:9

Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yeso Kirisito ene‑bona 3:19

Mai onofa mai wee·oteni, mai ihi amosawahabonehe. Dai noko wadahi! Dai ene towe tohamaro‑nima dai ene namariyahi.