Homa 8:27 - Deoso-ka Yama Hani

²⁷ Ai atibodi ati‑ya Deoso wato, fara Deoso‑ya ai tamine‑ya Deoso‑ka Doni kaminatene. Deoso atibodi yama kobohina‑nima Deoso‑ka Doni ati tene.

Homa 8:27 ပူးပေါင်းရင်းမြစ်များ

Mateo 6:8

Haa‑nima dai riyahi. Dai‑ka Abi neme‑ke dai hiyarabone, dai ati‑bone‑ya Deoso wato hawa tohene.

Roka 16:15

Mai‑ya Yeso hiyare, “Dai ene amosamone dai ati na, dai ati‑ya mai dami nofa, dai atibodi ati‑ya Deoso watobise, dai atibodi ati‑ya Deoso nofarene.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 21:17

Bedoro‑ya hiyaramatase, “Simaho, Yoaho bidi amatini. Owa tinofiraniha?” Ati namatasemarine. Yeso ati yanani 3 tohe ene Bedoro ati yawe, “Ayo, yama nafi tiwatoneni. Tiwa onofa, owa tiwatoneni.” Ati nemarine. “Oka kaneiro mai tinatafahi.

Yeso‑ka yo‑yose mai tamine 1:24

Deoso‑ya mai hiyara, “Abi Deoso, ai atibodi tiwata, ebeni‑ke oda‑ya dabamabati? Ebeni‑ke‑ya tiwati koboniti?

Yeso‑ka yo‑yose mai tamine 15:8

Ai atibodi‑ya Deoso wato, Yeso ati‑ya mai nofawaha, Deoso‑ka Doni mai‑ya sawi, oda‑ya sawi‑nima mai‑ya sawiwahane.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Homa 8:6

Mahi‑nima mai atibodi bote ati‑ya mai tokadaba, mai ababoneni. Deoso‑ka Doni ati‑ya mai nokotonihe, mai hasinabone, mai atibodi ati mai‑ya somateni.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Tesaronika daidi 2:4

Deoso oda kadikemari, Yeso Ati Amosabote oda kaminabonehe. Yeso ati ohari‑ta oda kamina, Deoso ya‑yainebonaha. Oda ati‑ya mai one nofara, sibarineni. Ai atibodi ati ai ene na‑ya Deoso kadikatene.

Ebereo 4:13

Yama nafi‑ya Deoso wato, yama nafi‑ya awa tene. Yama tehe‑ya yama‑ya awa, yama soki‑ya yama nafi‑ya awa tene. Makobote ai abiya, ai ene‑maro tamine ai kaminawahaboneni.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.

Yeso Kirisito ene‑bona 2:23

Owati ihi Yesabeo ati‑maro‑nima mai ati na mai kiyaniya, mai ababoneni. Mai tamine Deoso‑ya mai hi‑hiyara‑ke yobe‑ka mai nafi himitaboneni. Dai nafi atibodi owatoneni. Fara mai hiwatowahaboneni. Hini dai ene‑nima dai ene manakone na daa·onaboneni.