Homa 8:26 - Deoso-ka Yama Hani

²⁶ Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Homa 8:26 ပူးပေါင်းရင်းမြစ်များ

Mateo 10:20

Fara dai ati yokana toharabone, ai‑ka Abi neme‑ke‑ka Doni ati nebonane.

Mateo 20:22

“Yama dai haana dai wato awirini. Yama ofebone dai fawahari, dai nibana?” Yeso ati ne, “Hehe, haa‑nima oda naboneni, sibarini.” Mai ati namaroni.

Roka 22:44

Deoso‑ya Yeso hiyare, atibodi komene kitawahe, tanakori ama‑nima na wami‑ya sonameteni.

Yowaho 14:16

Okobi haa·onaboneni. Dai‑ya ka‑kasoma‑bona‑ya Okobi daanebonane, dai‑ya dabatebonaha.

Homa 15:1

Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Homa 7:24

Towe ama·oni. O·ababone, ebeni‑ke owa‑ya kasomabati, owatibodi bote ati okadabamarabonehe?

Homa 8:15

Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Korito yoto‑ke 5:2

Hibayata bofe‑ya ai wina, ai abano komateni. Neme‑ke abano ai kayafiya, ai komamateraboneni. Fara ai abano yati‑ya ai ati kobonineni.

Korito yoto‑ke 5:4

Bofe‑ya ai wina ai abano koma, ai kiya, ai atibodi komateni. Ai ababone ai nofara, ai abano yati ai kayafabone ai nofabisa, ai abano yati tohawahiya, ai komamarihi, ai kiyanamarihi, ai atibodi komamarihi, ai abamarihi na, yama amosabisaboneni.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 5:2

Deoso‑ka yama‑bone‑ya da‑daa‑mata, ai‑nima kitare, ai ene‑nima ene ne. Yama ai watora, ai tosawariya, ai‑ya weeni nafirebonane.

Tiyako 4:3

Dai atibodi bote yama ati kobohina, dai haana‑ya Deoso daarene, dai atibodi bote ati dai tokadabarabonehe.