Homa 8:21 - Deoso-ka Yama Hani

²¹ Makobote yama nafi‑ya Deoso namosawameya, yama abamateraboneni. Deoso bidi ai toha ai abamaterabone‑nima yama one na, abamateraboneni.

Homa 8:21 ပူးပေါင်းရင်းမြစ်များ

Yeso‑ka yo‑yose mai tamine 3:21

Hibayata neme‑ya Yeso wine, hibati‑ya Deoso ati‑ya mai mi‑mita‑mete Deoso ati‑ya mai kanahano, ‘Yama yanakani‑ya yama nafi amosamete‑nima Deoso ene yama namatasaboneni.’ Mai ati na, Fara‑nima yama yanatonabone, Yeso kamatasebonane. Deoso ati‑nima yama naboneni.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Korito daidi 15:42

Deoso ai‑ya nakitameya, ai bara tohawahaboneni. Ai aba, ai abano batateni. Ai kitamiya, ai abamarihi, ai batamarihi teboneni.

Ebereo 12:27

Yama wamani nafi wawawakanaboneni. Deoso‑ka yamata wawawakani kiteraboneni. Bofe‑ka yama nafi ababone, Deoso‑ka yama nafi hasinibisaboneni.

Bedoro yoto‑ke 3:13

Neme, bofe na yati tohawaha, ai kayafabone Deoso ati nemata, Deoso ati‑nima yama nabone ai nimana, neme, bofe na, yati tohiya, yama nafi amosaboneni.

Yeso Kirisito ene‑bona 21:1

Neme yati toha, bofe yati toha na, oawani. Neme hibati‑ka‑nima na awimarihi, bofe hibati‑ka‑nima na awimarihi, faha webote wadamarihi nani.