Homa 8:2 - Deoso-ka Yama Hani

² Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Homa 8:2 ပူးပေါင်းရင်းမြစ်များ

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 6:63

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yowaho 8:32

Ati yokana dai watobona, ati yokana dai‑ya seekanebonane.” Yeso ati nemarine.

Yowaho 8:36

Deoso Bidi dai‑ya seekaneya, yama towe dai‑ya kayafamaraboneni.

Homa 16:3

I‑di Birisira, maki i‑di Akira‑ya fama Yeso Kirisito‑ka yama oda anina mai dai hiyarahi.

Homa 3:27

“Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Homa 6:18

Dai atibodi bote dai‑ka hidi tohamara, dai wahawama, Deoso dai‑ka hidi tohawahe, dai ene amosawamawahaboneni.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 7:21

Yama amosa onofa‑ya owatibodi bote nofara. Yama amosa onofabone ona, owatibodi bote ene yama amosa oni awirani.

Homa 7:23

Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Homa 7:4

Soho, owati dai mitahi. Yeso ati dai nofawahiya, hibati‑ka dai aba, Mose ati dai‑ya barinami awire. Yeso Kirisito kitamemata, fare hika dai tohawaha, dai yati tohawaha, Deoso‑ka yama anini amosa dai aninaboneni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Korito daidi 15:45

Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Korito yoto‑ke 3:17

Ai‑ka Hidi owa Deoso‑ka Doni tohe, ai‑ya sawi, ai atibodi‑ya seekanateni.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Karatiya 6:2

Dai ibi kasomiyahi. Dai ibi kasoma, Yeso ati dai tokadababoneni.

Tiyako 1:25

Deoso Ati Amosabote ati dai mite, ati dai kadike, ati dai fawani awire, ati dai tokadaba ne, Satanasi dai‑ya yaditonamare, Deoso dai‑ya kasomebonane.

Yeso Kirisito ene‑bona 11:11

Mahi 3 kane beheri tohamakiya, Deoso ati ene mai kitamikima, mai waamisamikima, mai‑ya mai awa, mai habi siitoni nafeni.

Yeso Kirisito ene‑bona 22:1

Makobote sidadi‑ka hawi bai‑ya faha kayana‑ya Deoso‑ka yo‑yose owa‑ya yofikanene. Ai abarabone‑ka faha amani. Fara Deoso‑ka kadera toha, Kaneiro Bidi‑ka kadera toha na‑ya faha yanana, noki amosi nafe, kahafa amosabote‑nima na, ai noko‑ya barikani awirani.