Homa 8:19 - Deoso-ka Yama Hani

¹⁹ Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Homa 8:19 ပူးပေါင်းရင်းမြစ်များ

Mateo 5:9

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yeso‑ka yo‑yose mai tamine 3:21

Hibayata neme‑ya Yeso wine, hibati‑ya Deoso ati‑ya mai mi‑mita‑mete Deoso ati‑ya mai kanahano, ‘Yama yanakani‑ya yama nafi amosamete‑nima Deoso ene yama namatasaboneni.’ Mai ati na, Fara‑nima yama yanatonabone, Yeso kamatasebonane. Deoso ati‑nima yama naboneni.

Homa 8:14

Deoso‑ka hawi‑ya Deoso‑ka Doni mai yofihikana Deoso bidi mai tohateni.

Homa 8:16

Deoso‑ka Doni ai atibodi yati‑ya hiyare, “Deoso bidi amatini.” Ati tene.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Homa 9:26

Hibati‑ya Bara mai tamine‑ya mai hiyara, “Deoso‑ka mai tohi awirini.” Mai ati nameteni. Makobote mai tamine‑ya i‑di Oseya kanahano, “Deoso kitabote bidi mai tohawahineni.” Oseya ati nematane, Deoso‑ka yama hani‑ya.

Korito daidi 1:7

Dai ibi kasomi‑bone‑ka yama‑ya Deoso daanebona ati nemari, dai‑ya yama‑ya daanane. Ai‑ka Hidi i‑di Yeso Kirisito ko‑kobo dai nimaniya, Deoso dai‑ya kasomebona, dai kasomi‑ya fawaterebonane.

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Korito yoto‑ke 6:18

“Dai‑ka abi ohawahabone, oka dao dai toha, okoto dai toha nawahaboneni.” Deoso kitabote ati nematane.

Karatiya 3:26

Yeso ati dai no‑nofa Deoso bidi dai tohawahani, dai nafi.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Koroso 3:4

Kirisito ene dai atibodi yati tohawahani. Kirisito kamataseya, Kirisito eyehe dai‑ya mai awaboneni. Dai amosi nafeboneni.

Ebereo 12:27

Yama wamani nafi wawawakanaboneni. Deoso‑ka yamata wawawakani kiteraboneni. Bofe‑ka yama nafi ababone, Deoso‑ka yama nafi hasinibisaboneni.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yeso Kirisito ene‑bona 21:7

Haa‑nima yama naboneni. Hawi bai‑ya mai maakani awiriya, oka tabora‑ya mai saweboneni. Mai‑ka Deoso ohaboneni. Oka dao mai tohaboneni.