Homa 8:15 - Deoso-ka Yama Hani

¹⁵ Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Homa 8:15 ပူးပေါင်းရင်းမြစ်များ

Mateo 25:25

Tika yinero ani·one, dodameya, yinero nafi tikayafaba awineni, owatibodi ati na, tika yinero okahemamaro, wami hodi‑ya. Hibayata wii·oni. Hibaha, tikayahamatasahi.’ Ati nane.

Maroko 14:36

“Abi Deoso, kitabote amatini. Yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nematane.

Roka 11:2

“Deoso‑ya dai hiyarabone, eya dai atiyahi. ‘Abi, amosabote amatini. Tiwati ihi oda nafi‑ka hidi kitabote tihawahaboneni.

Roka 22:42

“Abi, yama towe yananabone, yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nematane.

Roka 8:28

Yeso‑ya awe, kaikane, Yeso noko‑ya home, “Maki‑ya tisawimariyahi.” Yeso ati ne, “Yeso, Deoso kitabote Bidi amatini. Owa arabatinahi. Owa bisitiriyahi.” Maki ati ne, ati kitematane. Hibati‑ya koheti‑ya maki‑ya sodado mai sokini damameteni. Mai hiwakatome, madi towe ene maki kiti nafi, koheti‑ya betekasarimane, kabani‑kaya kanani tokawahematane. Haa‑nima maki ene ne, ene damematane, madi towe ene.

Roka 8:37

Kerasa mai‑ka wami‑ya mai wi‑wina mai toha, Kerasa mai‑ka wami yakari‑ya mai wi‑wina mai toha, mai na, yama yofina ihi Yeso‑ya mai toyosemameteni, yama one‑kaya tokebonaha. Yeso hika mai eyehe kanawa‑ya foyame, mai winitokanamameteni.

Yowaho 16:8

Koboneya, bofe‑ka mai ihi tamine‑ya kanawatobonane. Mai ihi amosara toha, mai ihi amosawamabone toha, mai ihi‑ya Deoso kadikebona toha ne, tamine‑ya mai‑ya kanawatowahebonane.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Yeso‑ka yo‑yose mai tamine 16:29

Kadeya hidi hika yama wahi‑bone‑ya haane, mai‑ya tokomaki, yobati‑kaya itane, wawawakaneri.

Yeso‑ka yo‑yose mai tamine 2:37

Bedoro ati‑ya mai mita, mai atibodi komawaha, Bedoro mai‑ya mai hiyara, “Oda‑ka ayo dai toha, hini yamata‑nima oda nibati?” Mai ati na,

Homa 8:16

Deoso‑ka Doni ai atibodi yati‑ya hiyare, “Deoso bidi amatini.” Ati tene.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Homa 8:26

Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Korito daidi 2:12

Deoso‑ka Doni ai atibodi‑ya sawi ene Deoso atibodi ati ai watowaha, Deoso ati‑ya mai nofara mai atibodi ati‑nima ai atibodi ati ni awira, Deoso yama‑ya daanebona tamine‑ya ai watoneni.

Korito yoto‑ke 11:4

Deoso Bidi i‑di Yeso ai manakone‑ya nanahabemata tamine dai‑ya oda kaminamaro, mai one dai tabaro‑ya kobona, Yeso oni‑ya mai hirina, Yeso bare tamine‑ya mai kamina, mai ati dai nofamoneni. Doni mai ati‑mone mai ati na, Deoso‑ka Doni ati tohi awire, ati dai nofamoneni. Deoso ati‑mona ati‑ya mai kamina, Deoso Ati Amosabote oda kaminemari, ati‑nima mai ati ni awira, mai ati dai nofamoneni.

Karatiya 2:4

Makobote Yodeo mai one mai kobona, Yeso‑ka mai toha‑mone mai ati na, Yeso‑ka mai tohi awiramaroni. I‑di Tito tamine‑ya mai mita, mai ati yawawahamaroni. Oda ati‑ya mai kamita, oda‑ya mai kakatomamaroni. Oda‑ya mai ati barinabone, oda‑ya mai hiyaramaroni. “I‑di Tito sowiri tati ataro abaho. Yeso‑ka ai tohabone, ai sowiri tati ataro abateboneni. I‑di Mose ati‑nima dai ni awiriya, Deoso‑ka dai tohateraboneni.” Mai ati namaroni. Ai yaditona‑nima ai‑ya mai nihebone mai ati amani. Keyehe‑ya ai‑ya mai hirikanaro, Yeso ati‑ya mai nofarani.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Efesiyo 1:5

Hibati‑ya yama awiriya, Deoso ai‑ya nofe, ai‑ya kayafebona ati nematane. Yeso Kirisito ene Deoso bidi ai tohawaha, Deoso ya‑yaitene.

Timoti yoto‑ke 1:7

Deoso‑ka Doni ai‑ya sawi, ai habo siitora, ai habo kitateni. Ai one‑ya ai nofa, ai ati, ai atibodi ati, ai ene na, ai nawada, ai teni.

Ebereo 2:15

Ai manakone abara, Satanasi ai‑ya yaditone, ai ababone, ai habo siitoteni. Yeso ai manakone‑ya nanahabe ene ai habo siitonamara, ai aba, ai kitamabone ai watoneni.

Tiyako 2:19

“Deoso oharine.” Dai ati na, Dai ati‑nima madi towe mai ati na, Deoso ene mai habi siitoteni. Dai ati ohare sibara, yama one hasinineni.

Yowaho daidi 4:18

Ai‑ya nofe ene ai korikasara, ai‑ya nofe, ai‑ya ene amose‑bona ai watoteni. Ai korikasa‑mani, owa‑ya nofare ai atibodi ati teni. Ai‑ya nofe ai wato ai korikasaraboneni.