Homa 8:14 - Deoso-ka Yama Hani

¹⁴ Deoso‑ka hawi‑ya Deoso‑ka Doni mai yofihikana Deoso bidi mai tohateni.

Homa 8:14 ပူးပေါင်းရင်းမြစ်များ

Mateo 5:9

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Homa 8:5

Mai atibodi bote ati‑ya mai tokadaba, yama towe‑ya mai nokotoniteni. Mai atibodi yati ati‑ya mai tokadaba, Deoso‑ka Doni ya‑yainebona‑ya mai nokotonibisateni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Homa 9:26

Hibati‑ya Bara mai tamine‑ya mai hiyara, “Deoso‑ka mai tohi awirini.” Mai ati nameteni. Makobote mai tamine‑ya i‑di Oseya kanahano, “Deoso kitabote bidi mai tohawahineni.” Oseya ati nematane, Deoso‑ka yama hani‑ya.

Homa 9:8

Abaraho bidi mai one‑ka madehe Abaraho‑ka nodi yokana mai tohi awira. Isaki ohari bidi i‑di Abaraho‑ka nodi mai tohabisabone Deoso ati nematane.

Korito yoto‑ke 6:18

“Dai‑ka abi ohawahabone, oka dao dai toha, okoto dai toha nawahaboneni.” Deoso kitabote ati nematane.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 4:5

Mose ati‑ya ai tokadababone Deoso ati ne, ati ai tokadabi awire ene ai ababoneni. Yeso‑ta ai manakone‑ya nanahabe, ati‑ya ai nofe, Deoso bidi hawa tohe, ai tohaboneni.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Karatiya 5:16

Owati dai mitahi. Deoso‑ka Doni ati dai tokadaba, dai ene amosaboneni. Yama towe‑ya dai atibodi koboraboneni.

Karatiya 5:18

Hibati‑ya i‑di Mose ati dai‑ya barikane, hibayata Deoso‑ka Doni dai‑ya sawi, dai‑ya nawade, Deoso‑ka Doni ene Mose ati dai‑ya barikanamarene.

Efesiyo 1:5

Hibati‑ya yama awiriya, Deoso ai‑ya nofe, ai‑ya kayafebona ati nematane. Yeso Kirisito ene Deoso bidi ai tohawaha, Deoso ya‑yaitene.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yeso Kirisito ene‑bona 21:7

Haa‑nima yama naboneni. Hawi bai‑ya mai maakani awiriya, oka tabora‑ya mai saweboneni. Mai‑ka Deoso ohaboneni. Oka dao mai tohaboneni.