Homa 8:10 - Deoso-ka Yama Hani

¹⁰ Kirisito dai atibodi yati‑ya sawi, dai abano abiya, Deoso‑ka Doni ene dai atibodi yati abateraboneni. Dai ene amosaramaro ene dai abano ababone, dai yokana‑ta abateraboneni. Deoso dai‑ya ati somawame, dai ene‑maro‑ya kadikamaterebona, hini tabaro‑ya dai winaboneni.

Homa 8:10 ပူးပေါင်းရင်းမြစ်များ

Yowaho 14:23

“Owa‑ya mai no‑nofa, owati‑ya mai tokadababoneni. Owati‑ya mai tokadaba mai‑ya Okobi nofebonane. Okobi oda fama mai wini‑kaya oda winaboneni.

Yowaho 15:5

Ofa ade‑nima ona, ofa ini‑nima dai na, owa dai nokotoniya, ofa ade‑ya ini waana‑nima dai na, dai‑ya okasomaboneni. Dai‑ya okasomara‑mani, dai ene amosa wadara neni.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 6:54

Owa eme‑ya mai kaba, owa emene‑ya mai fawa na, mai abateraboneni. Yama faina‑bone‑ya mai onakitamaboneni.

Yowaho 6:56

Owa eme‑ya mai kaba, owa emene‑ya mai fawa na, oka mai toha, mai‑ya osawiteboneni.

Homa 5:12

Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Korito daidi 15:45

Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Korito yoto‑ke 13:5

Dai atibodi dai kadikahi. Deoso‑ka dai toha, Deoso‑ka dai toharihi na, awineni. Dai‑ya dai watoyahi. Yeso Kirisito dai atibodi‑ya sawi awire‑mana, Deoso‑ka dai tohara neni.

Korito yoto‑ke 4:11

Yeso ati oda kamina, mahi‑nima oda‑ya mai ati nanahabateni. Yeso oda‑ya kasome, oda‑ya mai nanahabi awisarineni. Yeso ene‑ya mai awiya, Yeso kitame oda‑ya kasome‑ya mai watowahaboneni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Firibo 1:23

Yama fama‑ya owatibodi kobonineni. Kirisito tabaro‑ya owatibodi wina, Kirisito tabaro wini amosi ba‑basi nibisane.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Tesaronika daidi 4:16

Neme‑ya Yeso wine, kisameya, bofe‑ya koboni awirebonane. Kiseya, neme‑ya ati kite yananebonane. Deoso‑ka yo‑yose mai‑ka webote owa ati yananebonane. Deoso‑ka ho‑hori ati yananaboneni. Yeso kiseya, mai abamaro, Yeso ati‑ya mai no‑nofa‑mete mai kitami dai tohaboneni.

Ebereo 12:23

Deoso‑ka dai tohawaha, dai oni‑ya Deoso kanahanone. Neme‑ya mai one Deoso ati‑ya mai no‑nofa mai oni‑ya kanahano dai oni‑ya kanahanone. Hibati‑ka mai oni‑ya kanahanomata mai aboni aba, mai atibodi neme‑ya tohawaha, mai ihi amosa hinama toha, mai‑ya dai oni sawe, Deoso ai ene‑ya kadikebona‑ya dai sawi dai nineni.

Ebereo 9:27

Bofe‑ya ai abano ababoneni ai nafi. Makobote neme‑ya ai ene‑ya Deoso kadikebonane.

Yeso Kirisito ene‑bona 14:13

Neme‑ya ati kaki, “Owati tikanahanohi, ‘Deoso‑ka mai abamakiya, mai ya‑yainibisaboneni.’ Fare ati tikanahanohi.” Ati nene. Deoso‑ka Doni ati yanane, “Fara amani. Bofe‑ya yama‑ya mai anini kitamaro, neme‑ya mai hasinaboneni. Mai ihi amosa mai manakone‑ya mai kayafaboneni.” Deoso‑ka Doni ati nene.