Homa 8:1 - Deoso-ka Yama Hani

¹ Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:1 ပူးပေါင်းရင်းမြစ်များ

Yowaho 14:20

Okobi oda famini, oka dai toha ai ohariwamabone, fara okitamiya dai wataboneni.

Yowaho 15:4

Owa dai nokotoniyahi. Owa dai nokotoniya, dai okasomaboneni. Ofa ini ade‑ya waanamariya, bonoteraboneni. Dai‑ya okasomariya, dai ene amosa wadateraboneni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Homa 16:3

I‑di Birisira, maki i‑di Akira‑ya fama Yeso Kirisito‑ka yama oda anina mai dai hiyarahi.

Homa 16:7

I‑di Anidironiko, fadi i‑di Yoniya‑ya fame, mai dai hiyarahi, oka mai amani. Owa eyehe kadeya‑ya mai foyamaroni. Yeso ati‑ya mai nofi baha, ati onofamakimarine. Yeso‑ka yo‑yose mai mai hinofa hineni.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:16

I‑di Adaho ene towe ohari manakone ai nafi ababone Deoso ati nematane. Adaho ene‑ya Yeso Kirisito ene fiyakane, Yeso Kirisito ene ai dami manakone aba ene Deoso ati somawame, ai ene amosa‑nima ai na, Deoso ai‑ya awawahane.

Homa 7:17

Owa ene towe tohasa na, owatibodi yati ene tohi awirani, owatibodi bote owa‑ya foyasa na ene tohani.

Homa 7:20

Yama amosa‑ya onofa, yama towe‑ya owatibodi bote nofasa na, fara owa ene amosara owatibodi yati ene tohi awirani. Owatibodi bote ene tohabisani.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Homa 8:14

Deoso‑ka hawi‑ya Deoso‑ka Doni mai yofihikana Deoso bidi mai tohateni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Homa 8:39

Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Homa 8:4

Deoso ati‑nima ai nawahabone, Deoso‑ka Doni ai‑ya sawi, ai‑ya kasome, Deoso ati ai tokadababone, ai ene towe tohamaraboneni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 15:22

Ai‑ka idi i‑di Adaho ene ai abano ababoneni, ai nafi. Ai‑ka Ayo i‑di Yeso Kirisito ati ai nofa, ai kitamaboneni, ai nafi.

Korito yoto‑ke 12:2

Hibati‑ya faha fowe 14 tohi‑ya Kirisito ene neme‑ya maki tokemari owato, korimari toha, abano toha ne awane. Yama owatora, Deoso‑ta hiwatobisane.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Karatiya 5:16

Owati dai mitahi. Deoso‑ka Doni ati dai tokadaba, dai ene amosaboneni. Yama towe‑ya dai atibodi koboraboneni.

Karatiya 5:25

Deoso‑ka Doni ai‑ya sawi, ai atibodi yati‑ya foye, ene ai atibodi yati ati kita, Deoso‑ka Doni ati‑nima ai nahi.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.