Homa 7:9 - Deoso-ka Yama Hani

⁹ Hibati‑ya Deoso ati i‑di Mose hikanahanomata, ati nafi owatora. “Owa ene sibarini.” Owatibodi ati namaro, Makobote Deoso ati owato ba‑basi ona, “Mai‑ka yama‑ya tiwatibodi kayafariyahi.” Ati ne, Mai‑ka yama‑ya owatibodi kayafabisa, owatibodi ati amosara owatowaha, fara ihi o·ababone, Deoso owa‑ya sawire owatowahani.

Homa 7:9 ပူးပေါင်းရင်းမြစ်များ

Mateo 19:20

“Fara haa‑nima oteni. Hini yamata‑nima onamakitasibati?” Maki ati nemarine.

Roka 15:29

‘Owati tokiyomi nofarini. Tiwa tabaro‑ya yama ani·ona, tika yama anini‑ya fawa·oterani. Tiwati‑nima oteni. Oka no‑nofa mai onatafabone, oda wayoma nabone, oda‑ka bodi bidi‑ba daatiterani.

Roka 18:21

“Madehe ohi‑ya Deoso‑ka yama hani ati tikamina ati‑nima oteni.” Ati nematane.

Homa 10:5

“Owati hinama dai tokadabiya, dai‑ya Deoso ati somawamebonane.” Mose ati nematane.

Homa 7:10

Mose‑ka yama hani ati okadabiya, owa‑ya kasomabone ona, i‑di Mose‑ka yama hani ati nafi okadabara, o·ababone, owa‑ya owatowahineni.

Homa 7:11

Owatibodi bote owa‑ya keyeheteni. Mose‑ka yama hani‑ya tokadababone ati na, Mose ati‑ya tokadabara ihi o·ababone owatowahani.

Homa 7:4

Soho, owati dai mitahi. Yeso ati dai nofawahiya, hibati‑ka dai aba, Mose ati dai‑ya barinami awire. Yeso Kirisito kitamemata, fare hika dai tohawaha, dai yati tohawaha, Deoso‑ka yama anini amosa dai aninaboneni.

Homa 7:6

Hibati‑ya Mose ati ai‑ka hidi tohemari, hibayata Yeso ati ai nofawaha, hibati‑ka ai abawaha, hibayata Deoso ai‑ka hidi tohawahe, ai atibodi yati‑ya Deoso‑ka Doni sawiwahene, ai‑ya kasomebonaha.

Homa 7:8

Mai‑ka yama‑ya owatibodi bote ati kayafa, owa ene sibarabone onamaroni. “Mai‑ka yama‑ya dai atibodi ati kayafaraboneni.” Deoso ati ne. Makobote mai‑ka yama oawa, fara‑ya owatibodi bote ati kayafi ba‑basi nawahani. “Deoso owa‑ya ati barini awire‑mana, owatibodi owa‑ya weera neni.” Oneni.

Homa 8:7

Mai atibodi bote ati‑ya mai tokadaba, Deoso ati‑ya mai kaka, ati mai hikadabaterene. Mai atibodi bote Deoso ati‑ya tokadabaterani.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.