Homa 7:7 - Deoso-ka Yama Hani

⁷ “Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Homa 7:7 ပူးပေါင်းရင်းမြစ်များ

Mateo 5:28

Owati dai mitahi. Fana‑ya dai atibodi kadika, ‘Se! Oahamata.’ Dai atibodi ati niya, dai atibodi ati‑ya Deoso miteya, yawebonane.

Roka 12:15

Mai nafi‑ya hiyare, “Dai noko wadahi. Bofe‑ka yama dai nokotoniriyahi. Mai‑ka yama dama toha, mai‑ka yama dama mai‑ya kasomi nafira, mai one ohi, mai one aba nineni.” Yeso ati nematane.

Roka 20:16

Kamakiya, hika ofa‑ya mai na‑nawada‑maro mai‑ya nanahabeya, ai one‑ya awa‑ya hidi daanawahebonane, mai hinawadawahabonehe.” Yeso ati nematane. “Ka! Haa‑nima yama riyahi.” Mai ati nameteni.

Yeso‑ka yo‑yose mai tamine 20:33

Dai‑ya osawe, dai‑ka yinero, dai‑ka barata, dai‑ka oro, dai‑ka bora na‑ya okayaterani.

Homa 13:9

Deoso ati i‑di Mose hikanahanomata dai watoneni. “Mai‑ka yibote mai dai aharihi, dai owa dai nanahabarihi, mai‑ka yama dai botirihi, mai‑ka yama dai atibodi koborihi, dai nahi.” Deoso ati ne, ati‑ya i‑di Mose kanahanomatane. Tiwa tinofi‑nima mai one tinofa, fare Deoso ati nafi tikadabineni.

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 3:5

Mai atibodi honara eya mai ati nineni. “Oda ene amosara‑ya mai one awiya, oda‑ya mai nofaraboneni. Deoso‑ta ohari ene amose hinama tohe‑ya mai watoya, fara Deoso ati‑ya mai nofawahaboneni. Oda ene Deoso ati‑ya mai nofiya, Deoso oda‑ya yawaterebonane. Oda‑ya yawe‑mana, ati kasiro nane.” Mai atibodi honara mai ati teni.

Homa 4:1

Yodeo ai‑ka idi i‑di Abaraho tohemata tamine‑ya dai atibodi kadikahi. Hibati‑ya i‑di Abaraho‑ya Deoso ati somawamematane. Hini yamata ihi Deoso ati somawamamatati?

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 7:11

Owatibodi bote owa‑ya keyeheteni. Mose‑ka yama hani‑ya tokadababone ati na, Mose ati‑ya tokadabara ihi o·ababone owatowahani.

Homa 7:13

Yama hani ati amosa ihi o·ababone dai ati na awineni. Yama hani ati ihi tohi awirini. Yama hani ati amosabisa, owa ene‑ta amosara, hini owa ene o·ababoneni. Owa ene amosara owatowaha, Mose‑ka yama hani ati ihi owa ene towe na‑nafi tohamaro owatowahineni.

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Homa 7:8

Mai‑ka yama‑ya owatibodi bote ati kayafa, owa ene sibarabone onamaroni. “Mai‑ka yama‑ya dai atibodi ati kayafaraboneni.” Deoso ati ne. Makobote mai‑ka yama oawa, fara‑ya owatibodi bote ati kayafi ba‑basi nawahani. “Deoso owa‑ya ati barini awire‑mana, owatibodi owa‑ya weera neni.” Oneni.

Korito daidi 15:56

Hibayata Deoso ati hinama mai tokadabariya, mai ihi amosara manakone ababone, fara mai korikasateni.

Efesiyo 5:3

Kirisito‑ka dai toha, dai ene amosahi. Dai tamine‑ya mai hiyariya, dai ene amosara tamine toharaboneni. Dai‑ka yibote ohare‑ta dai dakorabisa, yama dama dai kayawarihi, yama dama‑ya dai nokotonirihi, dai nahi. Kirisito‑ka dai toha, dai ene towe toha riyahi.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tesaronika daidi 4:5

Deoso ati‑ya mai nofara, mai atibodi ati amosara, mai fanawi‑ya mai nokotoniteni, mai fanawi‑ya mai ahabonehe. Mai‑ka owa‑ka yibote mai‑ya mai siwakana, mai makidi hinama mai ibi siwakana, mai na, fara mai ihi Deoso yawatene. Tika yibote ohare‑ta tinofabisahi. Dai one mai‑nima dai riyahi.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.