Homa 7:5 - Deoso-ka Yama Hani

⁵ Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Homa 7:5 ပူးပေါင်းရင်းမြစ်များ

Mateo 15:19

Yama towe‑ya mai nokotonihe mai toha, mai one‑ya mai nanahaba mai toha, fana one‑ya mai ide mai toha, fana mai dama mai‑ya mai nokotonihe mai toha, yama‑ya mai bote mai toha, keyehe‑ya mai hirina mai toha, mai one‑ya mai weena mai toha na, mai atibodi ihi mai ihi towe toha teni.

Yowaho 3:6

Ai‑ka ami dori‑ya ai yana, ai‑ka ami bidi ai tohani. Deoso‑ka Doni ene ai wadamatasiya, Deoso bidi ai tohawaha, ai atibodi tamine amani.

Homa 1:26

Deoso ati mai hinofare, mai‑ya hiyarami awire, hini mai atibodi ati kasira‑nima mai naboneni. Mai fanawi mai makidi‑ya mai nokotonira, mai fanawi hini one‑ya nokotonibisa, mai ibi famineni. Mai ihi towe‑ya Deoso nofaterene.

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 6:21

Dai ene‑maro manakone hini yamata‑ya tohibati? Dai ene‑maro manakone dai ababoneni. Hibayata dai ene‑maro dai nofami awira, dai ene‑maro tamine kadikami dai nofarihi nineni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 7:23

Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Korito daidi 15:56

Hibayata Deoso ati hinama mai tokadabariya, mai ihi amosara manakone ababone, fara mai korikasateni.

Korito yoto‑ke 10:3

Bofe‑ya ai nafi wina, ai ibi weena, ai ati kiti awirini. Deoso ai‑ya weene, ati kitatene. Deoso ati‑nima owati na, dai‑ya wee·oniya, owati kitaboneni.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 2:11

Bara dai tohamaro, yama‑ya dai atibodi kadamowamariyahi. Hibati‑ya dai sowiri tati ataro‑ya mai wisinakosara, dai‑ya Yodeo mai nofaramaroni. Yodeo mai sowiri tati atori mai wisihinakosa, Deoso‑ka mai tohabone mai ati teni. Mai sowiri tati atori abara, towe mai‑mone Yodeo mai ati namaroni.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tiyako 1:15

Ai atibodi bote ati‑ya ai nokotonihe, ai ene amosanadira, ai ababoneni.

Tiyako 4:1

Hini yamata ihi dai ibi wee, dai ibi kakoniti? Dai atibodi bote ati‑nima dai ene tohasa nani.

Yowaho daidi 3:4

Mai ihi amosara, Deoso ati‑nima mai ni awirani.