Homa 7:24 - Deoso-ka Yama Hani

²⁴ Towe ama·oni. O·ababone, ebeni‑ke owa‑ya kasomabati, owatibodi bote ati okadabamarabonehe?

Homa 7:24 ပူးပေါင်းရင်းမြစ်များ

Mateo 5:4

Dai o‑ohi Deoso dai‑ya kasomebona, dai ya‑yainibisaboneni.

Mateo 5:6

‘Owatibodi amosawamaboneni.’ Dai atibodi ati na, Deoso dai‑ya kasomebona, dai atibodi‑ya namosi nafibonane.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 8:13

Dai atibodi bote dai‑ka hidi tohasa niya, Deoso tabaro‑ya dai winateraboneni. Deoso‑ka Doni kite ene dai atibodi bote ati‑ya dai tokadabamariya, dai atibodi bote aba‑nima nawaha, Deoso tabaro‑ya dai winabisaboneni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Homa 8:26

Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Koroso 2:11

Yodeo makidi mai sowiri tati atori wisinakosa, Kirisito‑ka mai tebone mai ati neni. Ai‑ta ai atibodi amosaramaro, Kirisito ene ai atibodi yati tohawaha, Kirisito‑ka ai teboneni. Kirisito ene Satanasi ati ai nofamaraboneni.

Timoti yoto‑ke 4:18

Ai‑ka Ayo i‑di Yeso ene yama sibaraboneni. Owa‑ya mai nanahabiya, Yeso owa‑ya nakitamebonane. Deoso tabaro‑ya owinawahaboneni. Deoso ai kahiyari fawateraboneni. Feye amani.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 2:15

Ai manakone abara, Satanasi ai‑ya yaditone, ai ababone, ai habo siitoteni. Yeso ai manakone‑ya nanahabe ene ai habo siitonamara, ai aba, ai kitamabone ai watoneni.

Yeso Kirisito ene‑bona 21:4

Deoso ati ene mai ohini fawana, mai abamarihi, mai ohinamarihi, mai atibodi ohinamarihi, mai kome wadamarihi nani. Fara hibati‑ka yama nafi fawaneni.” Ati nene.