Homa 7:23 - Deoso-ka Yama Hani

²³ Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Homa 7:23 ပူးပေါင်းရင်းမြစ်များ

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 7:14

Deoso‑ka Doni ene Deoso ati‑ya Mose kanahanomata, ati amosane, owatibodi bote Deoso ati‑ya tokadabi nofara, owatibodi bote towe owa‑ya yose, ati okadabanasa oneni.

Homa 7:21

Yama amosa onofa‑ya owatibodi bote nofara. Yama amosa onofabone ona, owatibodi bote ene yama amosa oni awirani.

Homa 7:25

Ai‑ka Ayo i‑di Yeso Kirisito owa‑ya kasomebonane. Yeso ene owatibodi yati tohawaha, Deoso‑ya owatibodi yati nokotoni teni. Deoso ene ya‑yai·oneni. Owatibodi yati‑ya Deoso ati okadaba, owatibodi bote yama towe‑ya nofasa nineni.

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Karatiya 5:17

“Deoso‑ka Doni ati okadababoneni.” Ai atibodi yati ati teni. “Owa ene‑maro‑nima owa ene namatasaboneni.” Ai atibodi bote ati teni. Ai atibodi bote ai atibodi yati‑ya kaka, Deoso‑ka Doni ati‑ya ai tokadabiya, nofaterani.

Ebereo 12:4

Dai ene amosabone, dai ene dai‑ya mai nanahabi awisarani.

Tiyako 3:2

Deoso hawine‑ya ai yakana, ai dama ai taratokani dama, ai ati ene ai taratokani awira‑mani, ai ene amosa hinama toha neni.

Tiyako 4:1

Hini yamata ihi dai ibi wee, dai ibi kakoniti? Dai atibodi bote ati‑nima dai ene tohasa nani.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.