Homa 7:18 - Deoso-ka Yama Hani

¹⁸ Owatibodi bote yama amosa‑ya nofara. Yama amosa onofabisa, yama amosa‑ya owatonasa oni awirani.

Homa 7:18 ပူးပေါင်းရင်းမြစ်များ

Mateo 15:19

Yama towe‑ya mai nokotonihe mai toha, mai one‑ya mai nanahaba mai toha, fana one‑ya mai ide mai toha, fana mai dama mai‑ya mai nokotonihe mai toha, yama‑ya mai bote mai toha, keyehe‑ya mai hirina mai toha, mai one‑ya mai weena mai toha na, mai atibodi ihi mai ihi towe toha teni.

Roka 11:13

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso‑ka Doni dai‑ya sawibona dai ati na, Deoso dai haaniya, yama‑ya daanebonane, ai‑ka Abi neme‑ke toheri.” Yeso ati nematane.

Yowaho 3:6

Ai‑ka ami dori‑ya ai yana, ai‑ka ami bidi ai tohani. Deoso‑ka Doni ene ai wadamatasiya, Deoso bidi ai tohawaha, ai atibodi tamine amani.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Homa 7:15

Owatibodi bote ati okadabamarabone ona, owatibodi bote ene owa ene towe tohasa na, yama amosa onabone ona, yama amosa oni awira. Owa ene towe okakoneni.

Homa 7:19

Yama amosa onabone ona, yama amosa‑ya oni awisa orani. Yama towe‑ya orabone ona, yama towe‑ya onasa oneni.

Homa 7:25

Ai‑ka Ayo i‑di Yeso Kirisito owa‑ya kasomebonane. Yeso ene owatibodi yati tohawaha, Deoso‑ya owatibodi yati nokotoni teni. Deoso ene ya‑yai·oneni. Owatibodi yati‑ya Deoso ati okadaba, owatibodi bote yama towe‑ya nofasa nineni.

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Karatiya 5:17

“Deoso‑ka Doni ati okadababoneni.” Ai atibodi yati ati teni. “Owa ene‑maro‑nima owa ene namatasaboneni.” Ai atibodi bote ati teni. Ai atibodi bote ai atibodi yati‑ya kaka, Deoso‑ka Doni ati‑ya ai tokadabiya, nofaterani.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Firibo 3:12

Yama nafi owato awisa ora, owa ene amosa hinama tohi awisara, Yeso‑ka oha, Yeso Kirisito‑nima onabone, fare‑ya owatibodi nokotonineni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.