Homa 7:14 - Deoso-ka Yama Hani

¹⁴ Deoso‑ka Doni ene Deoso ati‑ya Mose kanahanomata, ati amosane, owatibodi bote Deoso ati‑ya tokadabi nofara, owatibodi bote towe owa‑ya yose, ati okadabanasa oneni.

Homa 7:14 ပူးပေါင်းရင်းမြစ်များ

Mateo 16:23

Bedoro‑ya Yeso hiyarebona, tonokowame, ati yanane, “Satanasi ati‑nima tiwati nineni. Owa‑ya tiwati baririyahi. Deoso‑ka yama nokotini awira, hini tiwatibodi ati‑ya nokotinibisineni.” Yeso ati nemarine.

Mateo 18:25

Yinero nafire ene hidi yawe, maki‑ka yobe, maki‑ka yama toha, maki abano, fadi, bidi mai toha, mai na, mai one mai‑ya mai‑ya daanebonane, yinero‑ya kayafebonaha.

Mateo 5:22

Owati dai mitahi. Mai atibodi ati okadikaboneni. Mai one‑ya mai ka‑kako mai atibodi owataboneni. Mai atibodi amosara wara hirini‑ya mai‑ya onasawiteboneni.

Mateo 5:28

Owati dai mitahi. Fana‑ya dai atibodi kadika, ‘Se! Oahamata.’ Dai atibodi ati niya, dai atibodi ati‑ya Deoso miteya, yawebonane.

Roka 5:8

Yeso ene‑ya Simaho Bedoro awe, yobati‑ya wai, “Ayo, owa‑ya tisawimariyahi. Towe ama·oni. Amosabote amatini.” Bedoro ati nematane.

Roka 7:6

Sodado tabaro‑ya mai toka, mai koboni yanatoniya, Sodado mai‑ka hidi‑ka no‑nofa mai one hiyosemakitasameteni, fai ati‑ya mai tokaminamakitasabonehe. “Yeso, oka hidi webote amatini. Oka yobe‑ya tikariyahi. Towe ama·oni. Amosabotebisa amatini.

Homa 3:9

Yodeo ai toha, ai ene amosabisa‑mone dai one ati na awineni. Ai ene amosi awirini. Yodeo ai toha, Bara mai toha mai na, ai nafi ene amosarani.

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 7:18

Owatibodi bote yama amosa‑ya nofara. Yama amosa onofabisa, yama amosa‑ya owatonasa oni awirani.

Karatiya 4:3

Fara‑nima Kirisito koboni awisareya, madehe‑nima ai na, Mose ati‑ya ai one tokadaba, madi mai ati‑ya ai one tokadaba na, ai ene amosara ai‑ya mai yaditonamaroni. Mai‑ka yo‑yose mai‑nima ai namaroni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.