Homa 7:11 - Deoso-ka Yama Hani

¹¹ Owatibodi bote owa‑ya keyeheteni. Mose‑ka yama hani‑ya tokadababone ati na, Mose ati‑ya tokadabara ihi o·ababone owatowahani.

Homa 7:11 ပူးပေါင်းရင်းမြစ်များ

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 7:13

Yama hani ati amosa ihi o·ababone dai ati na awineni. Yama hani ati ihi tohi awirini. Yama hani ati amosabisa, owa ene‑ta amosara, hini owa ene o·ababoneni. Owa ene amosara owatowaha, Mose‑ka yama hani ati ihi owa ene towe na‑nafi tohamaro owatowahineni.

Homa 7:8

Mai‑ka yama‑ya owatibodi bote ati kayafa, owa ene sibarabone onamaroni. “Mai‑ka yama‑ya dai atibodi ati kayafaraboneni.” Deoso ati ne. Makobote mai‑ka yama oawa, fara‑ya owatibodi bote ati kayafi ba‑basi nawahani. “Deoso owa‑ya ati barini awire‑mana, owatibodi owa‑ya weera neni.” Oneni.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Tiyako 1:22

Deoso ati dai mite, ati dai tokadabaho. Ati dai mite, ati dai tokadabare, dai atibodi bote dai‑ya keyeheboneni.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.