Homa 6:6 - Deoso-ka Yama Hani

⁶ Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 6:6 ပူးပေါင်းရင်းမြစ်များ

Homa 6:12

Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 7:14

Deoso‑ka Doni ene Deoso ati‑ya Mose kanahanomata, ati amosane, owatibodi bote Deoso ati‑ya tokadabi nofara, owatibodi bote towe owa‑ya yose, ati okadabanasa oneni.

Homa 8:13

Dai atibodi bote dai‑ka hidi tohasa niya, Deoso tabaro‑ya dai winateraboneni. Deoso‑ka Doni kite ene dai atibodi bote ati‑ya dai tokadabamariya, dai atibodi bote aba‑nima nawaha, Deoso tabaro‑ya dai winabisaboneni.

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Karatiya 6:14

Owa okahiyari awiraboneni. Ai‑ka Ayo, Yeso, awa‑ya waane, ai manakone‑ya nanahabemari, Yeso‑ta okahiyarabisaboneni. Yeso ati‑ya mai nofara, owa‑ya mai nofaharira, mai ihi‑nima owa ene teraboneni.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.