Homa 6:4 - Deoso-ka Yama Hani

⁴ Yeso abe, yati hodi‑ya mai hinafoye, Deoso kitabote ene Yeso kitamatasane. Yeso kitame‑ka hetarato‑nima ai na, ai‑ya mai habanirisa, ai waamisama, hibati‑ka ai‑nima ai namaraboneni.

Homa 6:4 ပူးပေါင်းရင်းမြစ်များ

Yowaho 11:40

“Owati timitara awineni. Owati tinofa, Deoso ene kitabote tiawabone onani.” Yeso ati nemarine.

Yowaho 2:11

Kana Karireya‑ya Yeso ene kitabote daidi oda awa, Yeso amosabote oda watowaha, ati oda nofemarine.

Yeso‑ka yo‑yose mai tamine 2:24

Yeso abano‑ya temene barikiterene. Deoso ene kitame, hini temene‑ke abano wadamare, abe komene wadamare, abamaterebonane.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 6:3

Yama‑ya dai watokarini? Yeso‑ka ai tohawaha, hibati‑ka ai ene‑nima ai ene namara, ai ene yati tohawaha, Yeso abe‑ka hetarato‑nima ai nabone, ai‑ya mai habanirisa teni.

Homa 6:8

Yeso abemata ene hibati‑ka ai aba, fare Yeso kitamemata‑nima ai yati tohawaha, ai atibodi yati tohahari na, ai atibodi yati‑ya Kirisito sawitene.

Homa 6:9

Yeso abe, kitamemata, abamaterebona ai watoneni.

Homa 7:6

Hibati‑ya Mose ati ai‑ka hidi tohemari, hibayata Yeso ati ai nofawaha, hibati‑ka ai abawaha, hibayata Deoso ai‑ka hidi tohawahe, ai atibodi yati‑ya Deoso‑ka Doni sawiwahene, ai‑ya kasomebonaha.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Korito daidi 6:14

Yeso ai‑ka Hidi abe, Deoso hinakitamemata, ati ai nofiya, ai abiya, Deoso ai‑ya nakitamaharibonane.

Korito yoto‑ke 13:4

Yeso kitaremona mai ati na, mai hinahabe, ene kite, Deoso hinakitamemata, abamaterebonane. “I‑di Baoro mai kiti awirini.” Dai one ati na awineni. Ene amosanasa re, Kirisito ene owa ene kita‑ya awebonane.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Koroso 4:1

Hidi dai toha, mai dai kanikamaro, mai dai weeni nafiriyahi. Dai‑ka yama‑ya mai anina, mai‑ka yama manakone dai daa, mai tafe‑ba dai daa nahi. Mai‑ka hidi dai toha, neme‑ya dai‑ka Hidi tohe, dai ene‑ya awebonane.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.