Homa 6:19 - Deoso-ka Yama Hani

¹⁹ Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 6:19 ပူးပေါင်းရင်းမြစ်များ

Mateo 4:23

Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya mai‑ya kanawatomatane. Ai nafi‑ka hidi kitabote tohawahebona tamine‑ya hiyarematane. Mai kiyana mai‑ya nakitamematane.

Homa 15:1

Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Homa 3:5

Mai atibodi honara eya mai ati nineni. “Oda ene amosara‑ya mai one awiya, oda‑ya mai nofaraboneni. Deoso‑ta ohari ene amose hinama tohe‑ya mai watoya, fara Deoso ati‑ya mai nofawahaboneni. Oda ene Deoso ati‑ya mai nofiya, Deoso oda‑ya yawaterebonane. Oda‑ya yawe‑mana, ati kasiro nane.” Mai atibodi honara mai ati teni.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 7:23

Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Homa 8:26

Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Korito daidi 5:6

Dai ene amosa‑mone dai ati na, dai ene amosarani. Dai‑ka owa ene‑ya dai kofeya, fare ene‑nima dai ene namakeboneni. Femeto i‑isi ne baho‑ya dabeya, baho tonafiteni. Fare femeto i‑isi ne‑nima dai‑ka owa ene ne dai kofeya, dai ene towe tohahareboneni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito daidi 9:8

Hiniya owati yanani awirani. Deoso‑ka yama hani ati‑nima owati nineni.

Karatiya 3:15

Soho, owati dai mitahi. Yama ai kanika, manakone nafi abi awisariya, yama hani‑ya ai oni‑ya ai kanahano, makobote yama hani ati‑nima ai teni. Yama hani kote ai kanahanomakitera, ati kote ai nanahabateni.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.