Homa 6:13 - Deoso-ka Yama Hani

¹³ Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:13 ပူးပေါင်းရင်းမြစ်များ

Roka 15:24

Oka dao tokemari, abe amanakani, onamaro, kitame‑nima nane. Oka dao fawanemari, kamawahane.’ Ati nane. Mai ya‑yaina, mai marina, mai wayomineni.

Roka 15:32

Tika soho tokemari, abe amanakani, onamaro, kitame‑nima nane. Tika soho fawanemari, kamawahane. Kame ene ai ya‑yainahi.’ Ati nene.” Yeso ati nematane.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 6:11

Haa‑nima dai atibodi ati nahi. “Hibati‑ka o·aba, yati ohawaha, owatibodi bote kiti fawana, ati okadabami awiraboneni, Yeso Kirisito‑ka ohawaha, Deoso ati okadabiya, okahiyarebonane.” Dai atibodi ati nahi.

Homa 6:16

Owati dai mitahi. Ai owa ati‑ya ai tokadaba, fare ai‑ka hidi tohatene. Fara‑nima dai na, dai atibodi bote ati‑ya dai tokadabatebone dai ati na, dai atibodi bote dai‑ka hidi tohateni. Dai atibodi bote dai‑ka hidi toha, dai ene amosateraboneni. Dai abiya, Deoso eyehe dai winateraboneni. Deoso ati‑ya dai tokadababisabone dai atibodi ati na, Deoso dai‑ka hidi tohatene. Deoso dai‑ka hidi tohe, dai ene amosawamawahaboneni.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 7:23

Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Homa 7:5

Hibati‑ya ai atibodi bote ati ai tokadaba, Mose ati‑ya ai mita, ati ai tokadabi nofare, ai ene amosara tonafe, hini ai ene ai ababoneni.

Korito daidi 6:15

Yeso Kirisito abano kobobone‑nima ai na, ai‑ya kobobona ai ati‑ya tokadaba‑nima Yeso Kirisito ati ai tokadabahi. Kirisito kobobone mai fanawi towe‑ya ai famateriyahi.

Korito daidi 6:20

Ai manakone‑ya Kirisito nanahabe, Deoso‑ka ai tohawaha, ai‑ka ai tohamara, dai atibodi‑ya Deoso‑ya dai kahiyara, dai ene‑ya mai one awiya, Deoso‑ya mai kahiyaramakiyahi.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Korito yoto‑ke 10:4

Deoso ati‑ya mai nofarabone, mai atibodi‑ya keyehe‑ya Satanasi barikane, mai atibodi ba‑barikana‑ya ai ati seekiterani. Deoso ati kitabote tohe, ati oda kamine, mai atibodi ba‑barikana‑ya Deoso ati seekitine.

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Korito yoto‑ke 8:5

“Yama bide‑ya mai daanaba amanikani.” Oda ati na, oda ati‑ya mai fiyakana, yama nafi‑ya mai daanineni. Deoso‑ya mai‑ya mai daani baha, Deoso ati ene oda ati‑ya mai tokadababone mai ati nineni.

Efesiyo 2:5

Ai atibodi bote ati‑ya ai tokadabamaro ihi ai aba‑nima ai namaroni. Deoso ai‑ya nofi kite, ai‑ya nakitamane. Ai atibodi yati daahina, fara‑ya hika Doni sawiya, Kirisito‑ka ai tohawahineni.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Koroso 2:13

Hibati‑ya dai ene amosara, hini dai ene dai aba‑nima dai namaro, Yeso ene Deoso dai‑ya ati somawami, Yeso eyehe dai kitawahani. Deoso dai‑ya ati somawamanane

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tesaronika yoto‑ke 2:12

Deoso ati‑ya mai nofaramaro, Satanasi‑ka owa ati‑ya mai nofabisa, mai ya‑yainaboneni. Mai ihi amosara‑ya mai nofamaro, hini mai ihi mai hatiwahaboneni.

Timoti yoto‑ke 2:15

Timoti, tiwa noko wadahi. Deoso ati tikadika, Ati Amosabote mai‑ya tikamine, Deoso tiwa ene‑ya kadikeya, tiwa habo siitoraboneni.

Tiyako 4:1

Hini yamata ihi dai ibi wee, dai ibi kakoniti? Dai atibodi bote ati‑nima dai ene tohasa nani.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Yowaho daidi 1:9

Ai ene amosara, Deoso‑ya ai hiyara kanibote nahi. “Abi Deoso, owa ene amosara, owa‑ya tiwati somawamahi.” Ai ati nahi. Ai ene amosara tamine Deoso‑ya ai hiyara, Deoso ati somawame, ai ene amosara‑ya kadikamaterebonane.