Homa 6:12 - Deoso-ka Yama Hani

¹² Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 6:12 ပူးပေါင်းရင်းမြစ်များ

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Homa 2:8

Mai one hini mai‑ya mai nofabisa, Deoso ati‑ya mai nofara, Satanasi ati‑ya mai nofa, hini mahi‑nima mai ihi towe toha, mai ihi Deoso yawi kiteya, mai‑ya nakomeya, Deoso yawe‑ya mai watowahaboneni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Homa 6:16

Owati dai mitahi. Ai owa ati‑ya ai tokadaba, fare ai‑ka hidi tohatene. Fara‑nima dai na, dai atibodi bote ati‑ya dai tokadabatebone dai ati na, dai atibodi bote dai‑ka hidi tohateni. Dai atibodi bote dai‑ka hidi toha, dai ene amosateraboneni. Dai abiya, Deoso eyehe dai winateraboneni. Deoso ati‑ya dai tokadababisabone dai atibodi ati na, Deoso dai‑ka hidi tohatene. Deoso dai‑ka hidi tohe, dai ene amosawamawahaboneni.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Homa 8:13

Dai atibodi bote dai‑ka hidi tohasa niya, Deoso tabaro‑ya dai winateraboneni. Deoso‑ka Doni kite ene dai atibodi bote ati‑ya dai tokadabamariya, dai atibodi bote aba‑nima nawaha, Deoso tabaro‑ya dai winabisaboneni.

Korito yoto‑ke 4:11

Yeso ati oda kamina, mahi‑nima oda‑ya mai ati nanahabateni. Yeso oda‑ya kasome, oda‑ya mai nanahabi awisarineni. Yeso ene‑ya mai awiya, Yeso kitame oda‑ya kasome‑ya mai watowahaboneni.

Korito yoto‑ke 5:4

Bofe‑ya ai wina ai abano koma, ai kiya, ai atibodi komateni. Ai ababone ai nofara, ai abano yati ai kayafabone ai nofabisa, ai abano yati tohawahiya, ai komamarihi, ai kiyanamarihi, ai atibodi komamarihi, ai abamarihi na, yama amosabisaboneni.

Karatiya 5:16

Owati dai mitahi. Deoso‑ka Doni ati dai tokadaba, dai ene amosaboneni. Yama towe‑ya dai atibodi koboraboneni.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Tesaronika daidi 4:5

Deoso ati‑ya mai nofara, mai atibodi ati amosara, mai fanawi‑ya mai nokotoniteni, mai fanawi‑ya mai ahabonehe. Mai‑ka owa‑ka yibote mai‑ya mai siwakana, mai makidi hinama mai ibi siwakana, mai na, fara mai ihi Deoso yawatene. Tika yibote ohare‑ta tinofabisahi. Dai one mai‑nima dai riyahi.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Tito 2:12

Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Yoda‑ka yama hani 1:16

Mai one tamine‑ya mai hiyariya, mai‑ya mai ati towe tonihi teni. Hini mai tamine‑ya mai hiyara, mai tamine‑ya mai kahiyarani, mai one mai‑ya kahiyaramakibonehe.

Yoda‑ka yama hani 1:18

“Yeso kami yakari‑ya bara mai kakeboneni. Deoso‑ya mai weenabone, hini mai atibodi ati kasira ati‑nima mai naboneni.” Yeso‑ka yo‑yose mai ati namaroni.