Homa 6:11 - Deoso-ka Yama Hani

¹¹ Haa‑nima dai atibodi ati nahi. “Hibati‑ka o·aba, yati ohawaha, owatibodi bote kiti fawana, ati okadabami awiraboneni, Yeso Kirisito‑ka ohawaha, Deoso ati okadabiya, okahiyarebonane.” Dai atibodi ati nahi.

Homa 6:11 ပူးပေါင်းရင်းမြစ်များ

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Homa 16:27

Deoso yama nafi‑ya wato, Yeso Kirisito ene Deoso‑ya dai kahiyaranadiya, dai kahiyari fawarayaho. Feye amani.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 6:10

Ai ene amosara manakone nafi‑ya Yeso nanahabi ohari, abe kitamemata, Deoso‑ya kahiyaratene.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:2

Haa‑nima dai ati riyahi, dai ene towe tohamarabonehe. Deoso ene ai atibodi yati toha, ai atibodi bote ai‑ka hidi tohamara, ai atibodi bote ati‑ya ai tokadabamariyahi.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 7:4

Soho, owati dai mitahi. Yeso ati dai nofawahiya, hibati‑ka dai aba, Mose ati dai‑ya barinami awire. Yeso Kirisito kitamemata, fare hika dai tohawaha, dai yati tohawaha, Deoso‑ka yama anini amosa dai aninaboneni.

Homa 7:6

Hibati‑ya Mose ati ai‑ka hidi tohemari, hibayata Yeso ati ai nofawaha, hibati‑ka ai abawaha, hibayata Deoso ai‑ka hidi tohawahe, ai atibodi yati‑ya Deoso‑ka Doni sawiwahene, ai‑ya kasomebonaha.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Korito daidi 6:20

Ai manakone‑ya Kirisito nanahabe, Deoso‑ka ai tohawaha, ai‑ka ai tohamara, dai atibodi‑ya Deoso‑ya dai kahiyara, dai ene‑ya mai one awiya, Deoso‑ya mai kahiyaramakiyahi.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 4:7

Deoso ene ai atibodi ai‑ya ati somi ba‑basi naboneni. Mai one atibodi ati somiya, oda atibodi ati somi fiyakani nafe, oda atibodi ati somi‑ya mai watora, Yeso Kirisito ene ai atibodi nawade, amosa‑ya nofaboneni.

Koroso 2:20

Kirisito abe ene dai atibodi bote aba‑nima dai nawaha, dai atibodi bote ati‑nima mai ati na, hini yamata ihi mai ati dai tokadabiti?

Koroso 3:17

Dai ati yanana, ai‑ka Ayo i‑di Yeso ati‑nima dai ati na, ene‑nima dai ene na, Yeso ene Deoso‑ya dai kahiyara, “Abi Deoso, amosabote amatini. Tiwa ene ya‑yai·oneni.” Dai ati nahi.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.