Homa 5:8 - Deoso-ka Yama Hani

⁸ Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 5:8 ပူးပေါင်းရင်းမြစ်များ

Yowaho 15:13

Maki hika no‑nofa mai abarabone ababiseya, hika no‑nofa mai‑ya nofi nafine, mai one mai‑ya mai nofi bi‑bidi nibisineni.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Homa 3:5

Mai atibodi honara eya mai ati nineni. “Oda ene amosara‑ya mai one awiya, oda‑ya mai nofaraboneni. Deoso‑ta ohari ene amose hinama tohe‑ya mai watoya, fara Deoso ati‑ya mai nofawahaboneni. Oda ene Deoso ati‑ya mai nofiya, Deoso oda‑ya yawaterebonane. Oda‑ya yawe‑mana, ati kasiro nane.” Mai atibodi honara mai ati teni.

Homa 4:25

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Homa 5:7

Ai owa ene amosabote‑ya mai nanahababone mai ati niya, “Dai nanahabarayaho. Owa‑ta o·ababisahi.” Ai owa ati neba awane. Mai ihi amosara mai ababone mai ati na, “Mai abarabone owa‑ta o·ababisaboneni.” Ai ati terani.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Homa 8:39

Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Timoti daidi 1:16

Ai manakone nafi‑ya Yeso nanahabemari, ati ai nofeya, ai ene sibaraboneni. Owa‑ya mai awiya, Deoso yawa kanibote reya, mai watowahaboneni. Yeso ati ai nofiya, ai winawahaboneni Deoso tabaro‑ya. Deoso yawa kanibote ne‑mana, owa‑ya nanahabe namatane.

Ebereo 8:3

Deoso‑ka yama‑bone‑ya mai da‑daa mai‑ka hidi Deoso‑ya bani‑ya mai daa, yama one‑ya mai daanamete, fare Deoso‑ya Yeso yama‑ya daanematane.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.