Homa 5:2 - Deoso-ka Yama Hani

² Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 5:2 ပူးပေါင်းရင်းမြစ်များ

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Yowaho 10:7

Yama‑ya mai watowahabone, mai‑ya hiyaramatase, “Owati amosabote dai mitahi. Kaneiro mai‑ka awa yara nokobiri ama·oni.

Yowaho 10:9

Awa yara nokobiri ama·oni. Owa‑kaya mai tokiyomiya, mai sibaraboneni. Mai yobiniya, mai tafaboneni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Homa 11:20

Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 14:4

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 3:23

Ai nafi ene amosaramaro, Deoso ene amose hinama tohe, ene‑nima ai ene terani.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:24

Yeso ati ai nofawaha Yeso ati‑nima yama nabone ai nimateni. Yama ai kayafamaro‑mani, yama ai nimanamara neni.

Korito daidi 15:1

Oka soho dai amani, owati dai mitamatasahi. Hibati‑ya Deoso Ati Amosabote dai‑ya okamine, ati dai nofemari, ati‑nima dai teni.

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Efesiyo 6:13

Fara mai ihi Deoso‑ka bora kita dai sakonahi. Bora sakoni dai hawa toha, dai naha, Satanasi‑ka dai‑ya keyehe‑ya mai hirikana, mai ati dai nofaraboneni. Fara bora ihi dai habo siitora, dai habo kitabisaboneni.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yeso Kirisito ene‑bona 21:11

Deoso sawi ene Yerosare wahi wadani. Yati bide manakone fota ooya‑nima ooyana, yasibe amosi nafe ai noko‑ya barikara‑nima nani.

Yeso Kirisito ene‑bona 21:23

Deoso Kaneiro Bidi mai fama mai wahi ihi tabora nafi‑nima yama teheteni. Fara mahi toha, abariko toha ne, mai wahi hiniya amani.

Yeso Kirisito ene‑bona 21:3

Hidi Webote‑ka kadera‑kaya yama ati kita yanana, “Deoso tabaro bofe‑ya tohawahe, Deoso‑ka mai tohawahani. Deoso mai‑ya sawiwahe, mai‑ya winawahene.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.