Homa 5:18 - Deoso-ka Yama Hani

¹⁸ I‑di Adaho ohari ene amosare, ene ai nafi ababone Deoso ati ne, Yeso Kirisito ohari ene amose, abematane, Deoso ai‑ya ati somawamabisebonaha. Ai abami awirabone, ai atibodi yati ai kayafabisamaroni.

Homa 5:18 ပူးပေါင်းရင်းမြစ်များ

Yowaho 1:7

Yama wahi‑nima ne tamine‑ya Yowaho Batita kaminemarine, yama wahi‑nima ne ene Deoso ati‑ya ai nofawahabonehe.

Yowaho 12:32

Owa‑ya mai nawaaniya, mai nafi haa·onabone, oka mai tohawahabonehe.” Yeso ati nemarine.

Yowaho 3:26

Yowaho‑ya mai da‑daba Yowaho‑ya mai hiyara, “Ayo, Yodaho Faha kowani‑kaya tiwa‑ya kobone, tamine tikamine, mai dama mai‑ya habanirisemonane. Fare‑ya mai dama mai tokomake, ai‑ka mai damamarani.” Mai ati nameteni.

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 3:25

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 4:25

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

Homa 5:12

Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 5:15

I‑di Adaho amosare ene ai nafi ababone Deoso ati ne. Ai‑ya Deoso nofe, ai abarabone, hini Bidi‑ya daanane, ai manakone‑ya nanahabebonaha. I‑di Adaho manakone‑ya nanahabe, ai nafi manakone‑ya nanahabane, Bidi ati ai nofeya, ai abarabone, ai‑ya Deoso ati somawamabisane. I‑di Adaho ene amosare ene‑ya i‑di Yeso Kirisito ene amosi fiyakane, ai nafi manakone‑ya nanahabane, ai abarabonehe.

Homa 5:19

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Korito daidi 15:22

Ai‑ka idi i‑di Adaho ene ai abano ababoneni, ai nafi. Ai‑ka Ayo i‑di Yeso Kirisito ati ai nofa, ai kitamaboneni, ai nafi.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yowaho daidi 2:20

Yeso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso ati ai watoteni.