Homa 5:17 - Deoso-ka Yama Hani

¹⁷ I‑di Adaho ene ai nafi abano ababone ai wato, Deoso ai‑ya nofe, Bidi‑ya daanane, ai manakone‑ya nanahabebonaha. Hibayata Yeso ati ai nofiya, Deoso ai‑ya ati somawameya, Yeso Kirisito ene‑nima ai ene na‑ya Deoso awabisatene. Yeso ene ai abano yati neme‑ya winabone ai wato, Yeso eyehe ai nahabone ai watohari nineni.

Homa 5:17 ပူးပေါင်းရင်းမြစ်များ

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Homa 5:12

Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 5:15

I‑di Adaho amosare ene ai nafi ababone Deoso ati ne. Ai‑ya Deoso nofe, ai abarabone, hini Bidi‑ya daanane, ai manakone‑ya nanahabebonaha. I‑di Adaho manakone‑ya nanahabe, ai nafi manakone‑ya nanahabane, Bidi ati ai nofeya, ai abarabone, ai‑ya Deoso ati somawamabisane. I‑di Adaho ene amosare ene‑ya i‑di Yeso Kirisito ene amosi fiyakane, ai nafi manakone‑ya nanahabane, ai abarabonehe.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 8:39

Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Korito daidi 15:49

Hibayata i‑di Adaho abano‑nima ai abano na, makobote i‑di Yeso Kirisito abano‑nima ai abano nawahaboneni.

Korito daidi 4:8

Yama dai atibodi kobohina‑ya dai kayafi hawa tohamone, dai‑ka yama dodamawaha, dai‑ya oda sawira, mai‑ka hidi dai tohawahamone dai ati namoneni. Mai‑ka hidi yokana dai toha‑mani, oda ya‑yaina neni. Mai‑ka hidi yokana dai toha‑mani, mai‑ka hidi oda tohahare neni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Timoti yoto‑ke 2:12

Yeso ati ai nofa, ai‑ya mai bisina, makobote neme‑ya Yeso eyehe ai nahoya, mai ihi ai kadikaboneni. ‘Yeso owatorini.’ Ai ati na, ‘Tiwa owatorini.’ Yeso ati nebonane. ‘Yeso‑ka ama·ora ama·oni.’ Ai ati na, ‘Oka amatira amatini.’ Yeso ati nebonane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Yeso Kirisito ene‑bona 1:6

Yeso ene Deoso‑ka ai tohawahineni. Deoso‑ya ai abano hiyarawahineni. Yeso‑ka Deoso, i‑di Yeso Badi‑ya ai kahiyarawahineni. Yeso kitawahebona, yama nafi‑ka hidi tohawahebona, yama maakani awirabone, fara koboni‑ya ya‑yai·onaboneni.

Yeso Kirisito ene‑bona 20:4

Hidi‑ka kadera dama oawani. Ai one kadera‑ya mai nahore, hidi mai tohawahani, mai ihi mai kadikabonehe. Ai korimari dama oawani. Yeso tamine‑ya mai kaminamaro, Deoso ati‑ya mai tokadaba ihi mai namidi mai tiihinakosamaro, mai korimari oawani. Bani Hame faha‑ke abano toha, Bani Hame faha‑ke korimari toha ne‑ya mai kahiyari awira, mai korimari oawani. Bani Hame faha‑ke oni korimari mai noki ate‑ya kobobokarihi mai toha, mai yahi‑ya oni korimari kobobokarihi mai toha, mai na, mai korimari oawani. Fara mai abamaro, mai kitama, hidi mai tohawaha, mai oawani. Faha fowe 1.000 kani‑ya Deoso‑ka Ka‑kadika eyehe hidi bidi mai tohawahani.

Yeso Kirisito ene‑bona 20:6

Mai kitami daidi mai ya‑yainaboneni. Deoso‑ka mai toha, wara hirini mai‑ya natiraboneni. I‑di Deoso, i‑di Yeso ne mai‑ya mai ka‑kahiyaraboneni. Faha fowe 1.000 kani‑ya Deoso‑ka Ka‑kadika eyehe hidi bidi mai tohawahaboneni.

Yeso Kirisito ene‑bona 22:5

Yama soki wadateraboneni. Yama tehe hinama teboneni. Nabarina wahi, mahi wehene ne, hiniya amani. Deoso hidi webote ene yama nafi‑nima yama tehenineni. Hidi bidi ai tohawahabone, yama maakani awiraboneni.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.