Homa 5:15 - Deoso-ka Yama Hani

¹⁵ I‑di Adaho amosare ene ai nafi ababone Deoso ati ne. Ai‑ya Deoso nofe, ai abarabone, hini Bidi‑ya daanane, ai manakone‑ya nanahabebonaha. I‑di Adaho manakone‑ya nanahabe, ai nafi manakone‑ya nanahabane, Bidi ati ai nofeya, ai abarabone, ai‑ya Deoso ati somawamabisane. I‑di Adaho ene amosare ene‑ya i‑di Yeso Kirisito ene amosi fiyakane, ai nafi manakone‑ya nanahabane, ai abarabonehe.

Homa 5:15 ပူးပေါင်းရင်းမြစ်များ

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yeso‑ka yo‑yose mai tamine 15:11

Mose ai manakone‑ya nanahabarihi, manakone ai nanahabarihi ne, ai‑ka Ayo Yeso Kirisito ati‑ya ai nofa, ai manakone aba, Yeso ati‑ya mai nofa, mai manakone abahari teni.” Bedoro ati nemonane.

Homa 5:12

Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Korito yoto‑ke 9:15

Deoso ai‑ka yama‑bone daahina, ai fiyakiteraboneni. Deoso ai kahiyarahi.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 5:11

Deoso ene ai abaterabone, Bidi ati ai nofeya, ati nemarine.