Homa 5:14 - Deoso-ka Yama Hani

¹⁴ I‑di Adaho nowati‑ya i‑di Mose ati awisareya, mai nafi abameteni. Deoso ati‑ya i‑di Adaho mite, Deoso ati‑ya tokadabare. Deoso ati‑ya mai mitara, mai abaharemeteni. Ai a‑ababone‑ke i‑di Adaho amane. Ai abari‑bone‑ke ai owa kamakibisematane.

Homa 5:14 ပူးပေါင်းရင်းမြစ်များ

Homa 5:12

Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 5:17

I‑di Adaho ene ai nafi abano ababone ai wato, Deoso ai‑ya nofe, Bidi‑ya daanane, ai manakone‑ya nanahabebonaha. Hibayata Yeso ati ai nofiya, Deoso ai‑ya ati somawameya, Yeso Kirisito ene‑nima ai ene na‑ya Deoso awabisatene. Yeso ene ai abano yati neme‑ya winabone ai wato, Yeso eyehe ai nahabone ai watohari nineni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 8:20

Hibati‑ya yama Deoso wamahina, nafi amosa. Makobote i‑di Adaho ene yama nafi abi yanatonamete, Deoso ene yama amosawamatasabone, fara hini‑ya nimakaneni.

Homa 8:22

Yama Deoso wamahinamete Adaho ene komawahamete, mai fanawi naba, dori kome yanana, dori kome‑nima yama komenamete, komasa nineni.

Korito daidi 15:22

Ai‑ka idi i‑di Adaho ene ai abano ababoneni, ai nafi. Ai‑ka Ayo i‑di Yeso Kirisito ati ai nofa, ai kitamaboneni, ai nafi.

Korito daidi 15:45

Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Ebereo 9:27

Bofe‑ya ai abano ababoneni ai nafi. Makobote neme‑ya ai ene‑ya Deoso kadikebonane.