Homa 5:12 - Deoso-ka Yama Hani

¹² Hibati‑ya Deoso ati‑ya ai‑ka idi i‑di Adaho tokadabare, hini ene abematane. I‑di Adaho ene ai nafi abaharebone, i‑di Adaho‑ya ai foyamete, fare Deoso ati‑ya i‑di Adaho tokadabare, Deoso ati ai tokadabaharirameteni.

Homa 5:12 ပူးပေါင်းရင်းမြစ်များ

Homa 3:23

Ai nafi ene amosaramaro, Deoso ene amose hinama tohe, ene‑nima ai ene terani.

Homa 5:18

I‑di Adaho ohari ene amosare, ene ai nafi ababone Deoso ati ne, Yeso Kirisito ohari ene amose, abematane, Deoso ai‑ya ati somawamabisebonaha. Ai abami awirabone, ai atibodi yati ai kayafabisamaroni.

Homa 5:19

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 6:21

Dai ene‑maro manakone hini yamata‑ya tohibati? Dai ene‑maro manakone dai ababoneni. Hibayata dai ene‑maro dai nofami awira, dai ene‑maro tamine kadikami dai nofarihi nineni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Korito daidi 15:56

Hibayata Deoso ati hinama mai tokadabariya, mai ihi amosara manakone ababone, fara mai korikasateni.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Tiyako 1:15

Ai atibodi bote ati‑ya ai nokotonihe, ai ene amosanadira, ai ababoneni.

Tiyako 3:2

Deoso hawine‑ya ai yakana, ai dama ai taratokani dama, ai ati ene ai taratokani awira‑mani, ai ene amosa hinama toha neni.