Homa 5:11 - Deoso-ka Yama Hani

¹¹ Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Homa 5:11 ပူးပေါင်းရင်းမြစ်များ

Roka 1:46

Mariya ati yanana, “‘Deoso amosabote amane.’ Owatibodi ati nineni.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Homa 11:15

Yodeo mai‑ya Deoso saatokase ene Yeso ati‑ya Bara mai dami mitawahiya. Fara Yodeo mai‑ya kayafamataseya, mai abamaro mai kitama, mai‑nima mai nawahaboneni.

Homa 2:17

Yodeo dai toha, Deoso dai‑ya hiyaremata, Deoso ati i‑di Mose dai‑ya daanemata ene Deoso‑ka dai tohamone, dai‑ya yawamaterebona dai ati na awineni.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Homa 9:10

Bidi wadawahemata, ai‑ka idi i‑di Isaki amane. Makobote i‑di Isaki fadi i‑di Habeka naba toha, bidi mai famameteni.

Korito daidi 10:16

Ai yorotokana, awa bono fahi ai fawa, baho ai ebekana, ai na, Yeso abe tamine ai hiyarateni. Awa bono fahi ai fawabone, Deoso‑ya ai hiyara, ai ene Yeso emene tokafodo tamine‑ya ai atibodi kadika, baho‑ya ai ebekanabone, Deoso‑ya ai hiyara, Yeso ai manakone‑ya nanahabemata tamine‑ya ai atibodi kadika teni.

Korito yoto‑ke 8:19

Yodeya‑ya mai wi‑wina mai‑ka yinero‑bona oda towakamiya, fare oda‑ya sawibona Deoso ati‑ya mai no‑nofa mai yorotokana mai ati nineni. Yeso ati dai nofa, Yeso‑ka mai dai nofa, dai na, Yodeya‑ya mai wi‑wina dai ene amosa‑ya mai awiya, ai ene‑ya mai watowahiya, Deoso‑ya mai kahiyaraboneni.

Karatiya 4:9

Deoso yokana dai watowaha, Deoso dai‑ya watoharine, hini yama‑bone madi mai‑ya dai ati hiyaramiti? Madi mai ati dai nofamatasiya, dai‑ya mai yosematasaboneni. Dai‑ka hidi mai tohawahaboneni. Madi mai kitara, dai‑ya mai kasomateraboneni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Firibo 3:1

Oka yama hani hawa tohi yananineni. Ai‑ka Ayo Yeso ati dai no‑nofa dai ya‑yainaboneni. Hibati‑ya mai tamine okanahanamaro, mai tamine okanahanomatasabone, yama dai watowahaboneni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 4:4

Ai‑ka Ayo i‑di Yeso dai‑ya sawi, dai ya‑yainahi. Owati dai mitamake, dai ya‑yaini fawariyahi.

Koroso 2:6

“Yeso Kirisito ai‑ka Hidi amane. Ati ai tokadabebonane.” Dai ati namaro, dai ati‑nima dai nahi.

Bedoro daidi 1:8

Yeso Kirisito dai awaremari, dai nofi neni. Hibayata dai aware, ati dai nofe, Deoso dai kahiyara, dai ya‑yaini ba‑basi na‑ya mai awa, yama‑ya mai watoterani.