Homa 5:10 - Deoso-ka Yama Hani

¹⁰ Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 5:10 ပူးပေါင်းရင်းမြစ်များ

Yowaho 14:19

Ai amoni fa‑famaraba niya owati‑ya mai nofara, owa‑ya mai awamaraboneni. Owa‑ya dai awabisaboneni. Okitama, hasi·oni‑nima dai hasinaboneni.

Yowaho 5:26

Deoso kite, hini ene mai one kitamabone, mai one abarabone, Deoso hini ene Deoso kiti‑nima Deoso Bidi nane.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 6:57

Okobi abarene. Okobi owa‑ya yosemari, Okobi ene o·abaharirani. Owa eme‑ya mai kaba, owa ene mai abahariraboneni.

Homa 11:28

Hibayata Yodeo mai one Deoso Ati Amosabote‑ya mai kaka, mai ihi Deoso dai‑ya kasomi ba‑basi nane. Hibati‑ya Yodeo mai‑ka idi mai‑ya Deoso nofemata, mai‑ka nodi mai‑ya nofamakibona ati ne, mai‑ka nodi mai‑ya nofasa nane.

Homa 5:11

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Homa 8:7

Mai atibodi bote ati‑ya mai tokadaba, Deoso ati‑ya mai kaka, ati mai hikadabaterene. Mai atibodi bote Deoso ati‑ya tokadabaterani.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Efesiyo 2:16

Deoso‑ka ai tohabone, Yeso Kirisito awa‑ya abematane. Abe ene ai ibi kakomarani.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yeso Kirisito ene‑bona 1:18

O·abamaro, okitamamaro, owa tiawahi. O·abamateraboneni. Mai aba mai tame‑ka safi dama·okana, mai korimari wiye‑ka safi dama·okana, oneni.