Homa 5:1 - Deoso-ka Yama Hani

¹ Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:1 ပူးပေါင်းရင်းမြစ်များ

Roka 19:38

“Oda‑ka hidi webote amatini. Deoso tiwa‑ya yose, tiwa‑ya kasomayaho, oda ati nineni. Deoso ati somane, Deoso neme‑ke ai kahiyarineni.” Mai ati nameteni.

Roka 19:42

“Deoso ati somawama‑bona‑ka yama dai wata‑mani, yama sibara neni. Hibayata dai wato awiraboneni.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Yowaho 14:27

Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 10:10

Yeso ati‑ya ai atibodi nofa, Deoso ai‑ya ati somawamatene. “Yeso oka hidi amane.” Ai ati na, Deoso‑ka ai tohateni.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:33

Deoso ai atibodi ati‑ya na‑nasoma dai‑ya sawiyaho. Feye amani.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Homa 4:5

Ai ene amosaramaro, Deoso ai‑ya ati somawame, yama ai anina manakone tohara. Deoso ati ai nofe ene Deoso ai‑ya ati somawamabisane.

Homa 5:11

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Homa 5:18

I‑di Adaho ohari ene amosare, ene ai nafi ababone Deoso ati ne, Yeso Kirisito ohari ene amose, abematane, Deoso ai‑ya ati somawamabisebonaha. Ai abami awirabone, ai atibodi yati ai kayafabisamaroni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Karatiya 3:25

Yeso Kirisito ati‑ya ai nofawaha, i‑di Mose ati ai‑ya barikanami awirene.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Koroso 1:20

“Mai manakone‑ya oka dao nanahabebonane, mai‑ya owati somawamabonehe.” Deoso ati nematane. Awa‑ya Yeso waane, abemarine. Yeso emene‑ya yama nafi‑ka manakone‑ya nanahabane, Deoso ati somawamebonaha. Yeso ati mai nofa, Deoso mai‑ya kasomebonane. Bofe‑ya mai wi‑wina mai‑ya Deoso ati somawame, neme‑ya mai wi‑wina mai‑ya Deoso ati somawamahari nebona ati nane.

Koroso 3:15

Yeso Kirisito dai‑ya sawi ene dai atibodi ati somiyahi. Deoso dai‑ya kadikemata, ai ohare‑nima dai na, dai ya‑yainahi.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 3:16

Ai‑ka Ayo ene dai habo siitora, dai atibodi ati dai‑ya somaboneni. Dai‑ya mai kaka, dai‑ka Ayo kitabote ene dai habo siitoteraboneni. Ai‑ka Ayo dai‑ya sawibonane.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.