Homa 4:6 - Deoso-ka Yama Hani

⁶ Deoso mai‑ya ati somawame, hini yamata ihi Deoso mai‑ya ati somawama titi? Mai‑ka yama anina manakone ihi tohara, hiniya Deoso mai‑ya ati somawame, mai ya‑yainawaha, ai‑ka hidi i‑di Dafi tohemata ati hikanahanomatane.

Homa 4:6 ပူးပေါင်းရင်းမြစ်များ

Mateo 25:19

Amoni dame‑ya mai‑ka hidi kamatasane, hika yinero tamine‑ya mitebonaha.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 3:27

“Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Homa 4:11

I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.

Homa 4:24

Abaraho tamine‑ya mai kanahanamete Deoso ati ai no‑nofa ai‑ya kasomaharibona ai watonane. Ai‑ka Ayo i‑di Yeso Kirisito‑ya Deoso nakitamemata, ati ai nofe, ai‑ya ati somawame, ai‑ya kasomaharibonane.

Homa 4:5

Ai ene amosaramaro, Deoso ai‑ya ati somawame, yama ai anina manakone tohara. Deoso ati ai nofe ene Deoso ai‑ya ati somawamabisane.

Homa 4:7

“Deoso ati‑ya mai tokadabaramaro, Deoso mai‑ya ati somawame, mai ihi‑ya ati sawimare mai ya‑yaiteni.

Homa 4:9

Deoso mai‑ya ati somawame, mai ya‑yaiteni. “Yodeo mai sowiri tati atori wisinakosabisa, mai‑ya Deoso ati somawamabisane.” Dai ati na. Yama‑ya dai wato awirini. Bara mai sowiri tati atori‑ya mai wisinakosara, mai‑ya Deoso ati somawamaharine. I‑di Abaraho‑ya Deoso ati somawamemata tamine dai mitamatasahi. Deoso ati‑ya Abaraho nofe, Deoso ati yanane, “Abaraho, tiwa‑ya owati somawamawahani.” Deoso ati nematane.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Karatiya 4:15

Hibayata owati ihi dai ya‑yainamarani. Hibati‑ya owa‑ya dai nofi nafemaro, owa‑ya dai nofami awirabone dai ati na awineni. Hibati‑ya dai nokobodi‑ya owa‑ya dai ati daanamaroni, owa nokobodi yati tohawahabonehe. Hini yama‑bone owati ababone dai ati niti? Owati dai nofamaraba awineni. Bara mai ati dai nofawaharo owatibodi ati nineni.

Efesiyo 1:3

Deoso ai kahiyarahi. Yeso Kirisito ai‑ka Hidi‑ka Abi i‑di Deoso amane. Deoso ai‑ya kasome ene Kirisito‑ka ai toha, neme‑ya yama nafi Kirisito hikayaha, fara ai kayafamakeboneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Tiyako 2:18

Deoso ati‑ya dai ati nofa, feye amani dai ati na. Hiniya Deoso ati‑ya dai ati nofa, dai‑ya mai watoraboneni. Deoso ati onofe, ati okadabe, owa ene‑ya mai awiya, Deoso ati onofa, owa‑ya mai watowahaboneni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.