Homa 4:5 - Deoso-ka Yama Hani

⁵ Ai ene amosaramaro, Deoso ai‑ya ati somawame, yama ai anina manakone tohara. Deoso ati ai nofe ene Deoso ai‑ya ati somawamabisane.

Homa 4:5 ပူးပေါင်းရင်းမြစ်များ

Maroko 9:23

Yeso ati yanane, “Owa kiti nafiramone tiwatibodi ati riyahi. Owati tinofiya, yama tinofa‑nima yama naboneni.” Yeso ati nemarine.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 6:29

“Deoso ati‑nima dai nabone, Deoso hiyosemari ati dai nofahi.” Yeso ati nemarine.

Homa 10:3

Yeso ati‑ya mai nofa‑mani, Deoso mai‑ya ati somawame nane. Hini mai ihi Deoso mai‑ya ati somawamebona mai atibodi ati na. Ai ene Deoso ai‑ya ati somawamatere‑ya mai watorani.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 4:24

Abaraho tamine‑ya mai kanahanamete Deoso ati ai no‑nofa ai‑ya kasomaharibona ai watonane. Ai‑ka Ayo i‑di Yeso Kirisito‑ya Deoso nakitamemata, ati ai nofe, ai‑ya ati somawame, ai‑ya kasomaharibonane.

Homa 4:3

Deoso‑ka yama hani ati dai mitahi. “Deoso ati‑ya i‑di Abaraho nofe ene Deoso ati somawamane.” Deoso‑ka yama hani ati nineni.

Homa 4:6

Deoso mai‑ya ati somawame, hini yamata ihi Deoso mai‑ya ati somawama titi? Mai‑ka yama anina manakone ihi tohara, hiniya Deoso mai‑ya ati somawame, mai ya‑yainawaha, ai‑ka hidi i‑di Dafi tohemata ati hikanahanomatane.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.