Homa 4:17 - Deoso-ka Yama Hani

¹⁷ Abaraho‑ka nodi mai tamine‑bone‑ya Deoso wato, mai tamine‑ya Abaraho‑ya hiyarematane. “Abaraho, owa ene tika nodi mai damawahatebone, mai tabori damateboneni.” Deoso ati nematane. Abaraho bidi awisareya, Deoso ati‑ya nofe, atibodi yama‑ya kadike, “Deoso kitabote tohe, ai aba, ai‑ya nakitamatene.” Abaraho atibodi ati nematane.

Homa 4:17 ပူးပေါင်းရင်းမြစ်များ

Mateo 3:9

‘Abaraho‑ka nodi oda amani. Deoso oda‑ya sarikiterebonane.’ Dai ati riyahi. Owati dai mitahi. Abaraho‑ka nodi mai one‑bone‑ya Deoso ati wamane‑mana, yati‑ya mai‑ya wamane nane.

Yowaho 5:21

Mai aba mai‑ya Okobi nakitame‑nima onabone, mai‑ya owati nakitama mai onakitamabone, owa ene mai abaraboneni.

Yowaho 5:25

Owati amosabote dai mitahi. Deoso Bidi ama·oni. Mai aba mai haa·oniya, mai kitamawahaboneni.

Yowaho 6:63

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yeso‑ka yo‑yose mai tamine 15:18

Deoso ati‑ya mai mi‑mita‑mete mai hikanahanameteni.

Homa 3:29

Eme dai ati niti? “Deoso Yodeo mai‑ya kayafabise, Bara mai‑ya kayafaterebonane.” Dai ati na awineni. Yama dai wato awirini. Ai nafi‑ka Deoso amane. Yodeo mai‑ka hidi toha, Bara mai nafi‑ka hidi toha nane.

Homa 4:18

“Amowa mai dama mai‑nima tika nodi mai teboneni.” Deoso ati nematane. Abaraho bote tohe, fadi bote toha na, bidi awisare, Deoso ati‑ya nofasa ne, habo kite. Deoso mai‑ya kasomare‑mana, mai‑ka ewe wadare nane. “Oka nodi mai damabone Deoso ati ne, oka nodi mai damaboneni.” Abaraho atibodi ati nematane.

Homa 4:2

“Abaraho‑ka yama anini amosa ihi Deoso ati somawame awane.” Dai ati na awineni. Abaraho‑ka yama anini amosa ihi tohi awirini. I‑di Abaraho‑ka yama anini manakone‑mani, hini‑ya kahiyare nane. Deoso hini ene i‑di Abaraho‑ya ati somawamematane.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Homa 9:11

Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Homa 9:26

Hibati‑ya Bara mai tamine‑ya mai hiyara, “Deoso‑ka mai tohi awirini.” Mai ati nameteni. Makobote mai tamine‑ya i‑di Oseya kanahano, “Deoso kitabote bidi mai tohawahineni.” Oseya ati nematane, Deoso‑ka yama hani‑ya.

Korito daidi 1:28

Hibayata mai mai hinofara Deoso mai hikadika, mai amosawahaboneni. Hibayata mai mai hinofabisa mai fawanaboneni. Towe mai‑mone mai one ati na, Deoso mai hikadika, mai amosawahaboneni. Mai amosa‑mone mai one mai hina, mai amosi fawanaboneni.

Korito daidi 15:45

Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Ebereo 11:12

Abaraho bote tohe, abi yanatoneya, bidi tohawahe, hibayata hika nodi mai damawaha, amowa mai dama‑nima hika nodi mai nihi, siki faha webote‑ka boni dama‑nima hika nodi mai nihi na, mai damawahani.

Ebereo 11:3

Hibati‑ya yama nafi‑ya Deoso wamanemata oda awara, Deoso ati oda mite, ati oda nofe, oda atibodi yama‑ya watowaha, “Deoso yama nafi‑ya wamane, yama ai awi awiriya, yama nafi‑ya wamanematane.” Ai atibodi ati teni.

Ebereo 11:7

Hibati‑ya faha kaki awiriya, Nowe‑ya Deoso hiyare, “Nowe, faha kakeboneni. Kanawa wamatinahi.” Deoso ati ne, Deoso ati‑ya Nowe nofe, “Deoso ati okadababoneni. Kanawa wama·onaboneni, oka mai hasinabonehe.” Nowe atibodi ati ne. Nowe ene hika mai one hasi, mai one nafi aba na, “Nowe owati‑ya nofe, ene amose, atibodi onamosebonane.” Deoso ati nematane.

Bedoro daidi 2:10

Hibati‑ya Deoso‑ka dai toharamaro, hibayata Deoso‑ka dai tohawahi neni. Hibati‑ya Deoso dai‑ya kasomare ati ne, hibayata dai‑ya kasomawahatene.

Bedoro yoto‑ke 3:8

Owati‑ya dai ati kadamoriyahi. Deoso yama‑ya kadike, ai amoni ohare‑nima faha fowe 1.000 toha nineni. Faha fowe 1.000 toha‑nima mahi ohari nane. Dai ati kadamoriyahi. Oda‑ka dai amani.