Homa 4:16 - Deoso-ka Yama Hani

¹⁶ Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

Homa 4:16 ပူးပေါင်းရင်းမြစ်များ

Roka 19:9

“Sakeo, Abaraho‑ka nodi tihawaha, hibayata Deoso tiwa‑ya kayawane.

Homa 15:8

Hibati‑ya oda‑ka idi mai‑ya Deoso hiyare, “Kirisito kobonebonane, Yodeo mai‑ya kasomebonaha.” Deoso ati nemata. Fare ati‑nima yama nawaha ai watoneni.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Homa 4:11

I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 9:8

Abaraho bidi mai one‑ka madehe Abaraho‑ka nodi yokana mai tohi awira. Isaki ohari bidi i‑di Abaraho‑ka nodi mai tohabisabone Deoso ati nematane.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Efesiyo 2:5

Ai atibodi bote ati‑ya ai tokadabamaro ihi ai aba‑nima ai namaroni. Deoso ai‑ya nofi kite, ai‑ya nakitamane. Ai atibodi yati daahina, fara‑ya hika Doni sawiya, Kirisito‑ka ai tohawahineni.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Tito 3:7

Ai manakone abawaha, Deoso bidi ai tohawaha, ai abateraboneni. Deoso tabaro‑ya ai winabisaboneni.

Bedoro yoto‑ke 1:10

Oka soho dai toha, Deoso dai‑ya kadike, dai‑ya haane. Tabaro‑ya dai winawahaboneni. Owati‑nima dai ene niya, Deoso tabaro hawine dai fawaniteraboneni.