Homa 4:11 - Deoso-ka Yama Hani

¹¹ I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.

Homa 4:11 ပူးပေါင်းရင်းမြစ်များ

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 8:11

Neme‑ke ai nafi‑ka hidi kitabote tohawaheya, i‑di Abaraho, i‑di Isaki, i‑di Yako, mai na, mai marinabone, mahi ka‑kaki‑ka mai one toha, mahi to‑toka‑ka mai one toha na, fara Bara mai‑ka tabora dami‑ka mai saweboneni.

Roka 19:9

“Sakeo, Abaraho‑ka nodi tihawaha, hibayata Deoso tiwa‑ya kayawane.

Yowaho 3:33

Neme‑ke ati mai one hinofe, ‘Deoso ati amose, keyehe‑ya hirirene.’ Mai ati neni.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yowaho 6:35

“Deoso‑ka baho ama·oni. Owa ene mai fimiraboneni. Owa‑ya mai nofa mai fimimarihi, owati‑ya mai nofa mai baki hokomarihi teboneni.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 6:47

“Owati amosabote dai mitahi. Owati dai no‑nofa dai abateraboneni.

Yowaho 8:33

Mai ati yanana, “Abaraho‑ka nodi oda amani. Oda‑ya mai kanikaterani. Hini yamata‑nima yama na oda‑ya seekibati?” Mai ati namaroni.

Homa 10:11

“Yeso ati‑ya mai no‑nofa mai habi siitora, Yeso ati‑nima yama na‑ya mai awawahaboneni.” Deoso‑ka yama hani ati nineni.

Homa 10:4

Mose ati‑ya mai tokadababone mai ati na, Mose ati nafi‑ya mai tokadabara ene Mose ati mai‑ya barikane, Deoso tabaro‑ya mai koboraboneni. Yeso ati‑ya mai nofa, Mose ati mai‑ya barinami awirebona, Deoso mai‑ya ati somawamatene.

Homa 10:6

Yeso ati ai nofa, Deoso ai‑ya ati somawamane. “Kirisito ati ai watabone, neme‑ya ai dodimakiho.” Ai atibodi‑ya ai ati riyahi.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Homa 4:10

“I‑di Abaraho sowiri tati ataro‑ya wisinakosi hawa toheya, Deoso ati somawamane.” Dai atibodi ati na awineni. Abaraho sowiri tati ataro‑ya wisinakosi awisareya, Deoso ati somawamematane.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Homa 9:33

Ai manakone‑ya Yeso nanahabe Deoso‑ka yati‑nima amane, fare tamine‑ya mai kanahanameteni. “Siyaho‑ya oka yati onawaana, oka yati‑ya mai taratokaniya, owa tabaro‑ya mai koboraboneni. Oka yati ati‑ya mai one nofiya, mai habi siitorabone, owa tabaro‑ya mai kobonibisaboneni.” Deoso ati nematane, yama hani‑ya.

Homa 9:6

Deoso ati fawaterebonane. Ati‑nima yama teni. Isara·eo‑ka nodi mai one hika nodi yokana mai tohi awirihi,

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Karatiya 3:29

Yeso Kirisito ati‑ya ai nofa Abaraho‑ka nodi ai tohawahani. Abaraho‑ka nodi mai‑ya Deoso kasomebona ati nemari, Deoso hini ati‑mari‑nima ai‑ya kasomaharibonane. Deoso‑ka ai toha, Deoso bidi ai toha, ai‑na, hika yama nafi ai kayafaboneni.

Karatiya 3:7

Deoso ati‑ya ai nofa, Abaraho‑ka nodi ai tohaboneni. Dai one Bara toha, Deoso ati‑ya dai nofa, Abaraho‑ka nodi mai dai tohahareboneni. Abaraho Deoso ati‑ya nofemari‑nima dai na, fare Abaraho‑ka nodi dai amani.

Karatiya 5:5

Ai‑ta Yeso ati ai nofa, Deoso‑ka Doni ai‑ya sawi, Yeso Kirisito kamebona ai nimana, Yeso kamataseya, Deoso ene ai ene amosa hinama tohaboneni.

Karatiya 6:16

Yeso ati‑ya mai tokadaba, Yodeo mai toha, Bara mai toha na, mai‑ya Deoso kasome mai atibodi mai weerabone, Deoso‑ka mai toha, Isara·eo‑ka yokana mai toha neni.

Efesiyo 1:13

Hibayata Yeso Kirisito tamine dai mita, ati dai nofe, hika dai tohawahineni. Deoso Ati Amosabote dai mitamaro, Yeso ati‑ya dai nofa, Deoso‑ka Doni dai‑ya sawiwahe, Deoso‑ka Doni tamine‑ya Yeso hiyare, “Owati dai nofiya, dai atibodi‑ya Deoso‑ka Doni sawiwahebonane.” Ati nematane.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Ebereo 11:7

Hibati‑ya faha kaki awiriya, Nowe‑ya Deoso hiyare, “Nowe, faha kakeboneni. Kanawa wamatinahi.” Deoso ati ne, Deoso ati‑ya Nowe nofe, “Deoso ati okadababoneni. Kanawa wama·onaboneni, oka mai hasinabonehe.” Nowe atibodi ati ne. Nowe ene hika mai one hasi, mai one nafi aba na, “Nowe owati‑ya nofe, ene amose, atibodi onamosebonane.” Deoso ati nematane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yeso Kirisito ene‑bona 9:4

Kabihi yama kome‑ya watorihi, yamata yama kome‑ya watorihi, awa yama kome‑ya watorihi, teni. Deoso oni korimari mai noki ate‑ya kobobokare mai‑ya yama komabisani.