Homa 3:9 - Deoso-ka Yama Hani

⁹ Yodeo ai toha, ai ene amosabisa‑mone dai one ati na awineni. Ai ene amosi awirini. Yodeo ai toha, Bara mai toha mai na, ai nafi ene amosarani.

Homa 3:9 ပူးပေါင်းရင်းမြစ်များ

Roka 7:39

Fariseo fana ihi‑ya awe, yawe, “Yeso‑ya fana boyona, fana towe amani. Yeso i‑di Deoso ati‑ya mi‑mita tohe‑mana, fana tamine‑ya wato nane.” Atibodi ati nematane.

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 11:32

Ai nafi ati kasira, Deoso ai‑ya kasome, ai abarabone‑ya nofane.

Homa 11:7

Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Homa 2:1

“Mai ihi towe toha, hini mai ihi mai abahi.” Dai ati na. Mai ihi‑nima dai ene nahare, fara dai ene dai abahareboneni.

Homa 3:1

“Baoro, hini yamata ihi oda sowiri tati ataro‑ya mai wisinakositi? Yodeo ai toha hini yamata ai kayafa titi?” Dai ati na awineni.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Homa 3:5

Mai atibodi honara eya mai ati nineni. “Oda ene amosara‑ya mai one awiya, oda‑ya mai nofaraboneni. Deoso‑ta ohari ene amose hinama tohe‑ya mai watoya, fara Deoso ati‑ya mai nofawahaboneni. Oda ene Deoso ati‑ya mai nofiya, Deoso oda‑ya yawaterebonane. Oda‑ya yawe‑mana, ati kasiro nane.” Mai atibodi honara mai ati teni.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 7:14

Deoso‑ka Doni ene Deoso ati‑ya Mose kanahanomata, ati amosane, owatibodi bote Deoso ati‑ya tokadabi nofara, owatibodi bote towe owa‑ya yose, ati okadabanasa oneni.

Korito daidi 10:19

Owati dai mitahi. Yama‑ya dai watowahaboneni. Mai‑ka deoso bare wadaterene. Mai‑ka deoso hiniya wamane‑ka bani‑bona mai daahineya, towe tonire, hika bani kote ai kabiya, ai‑ya nakomaterene.

Korito daidi 14:15

Deoso‑ya ohiyariya, owati‑ya ohiyara, owatibodi hiyarahari teni. Deoso‑ka wayoma hiri·oniya, owati‑ya hiri·ona, owatibodi wayoma hirinahariteni.

Korito daidi 4:7

Yama dai kiha Deoso dai‑ya daanemarine. Hiniya honita‑ya dai‑ya daane. Hini yamata ihi dai‑ya dai kahiyariti? Dai ene tohi awirini.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Firibo 1:18

Sibarini. Kirisito ati‑ya mai kamina, ya‑yai·oneni. Owa‑ya mai nofara Kirisito ati‑ya mai kamina, owa‑ya mai nofa Kirisito ati‑ya mai kamina, mai na, mai ihi ya‑yai·oneni.