Homa 3:8 - Deoso-ka Yama Hani

⁸ “Fara ai ene amosara nafiya, ai ene Deoso‑ya mai kahiyarabone i‑di Baoro ati nene.” Mai atibodi honara mai ati na, keyehe‑ya mai hirina, haa‑nima oterani. Haa‑nima mai ati na, hini mai‑ya mai yokoteni.

Homa 3:8 ပူးပေါင်းရင်းမြစ်များ

Mateo 5:11

Owati‑ya dai nofa dai‑ya mai nofaraboneni. Dai‑ya mai wee, dai‑ya mai bisi, dai tamine‑ya keyehe‑ya mai hiri, mai naboneni.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 6:1

Dai one Deoso ati‑ya mai tokadabi nofara, eya mai ati na awineni. “Ai ene amosaramaro, ai‑ya Deoso ati somawame, hibayata ai ene towe ba‑basi niya, ai‑ya Deoso ati somawamatasebona, ai ene towe ba‑basi nahi.” Mai ati na awineni.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 7:7

“Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Korito yoto‑ke 11:15

Mai‑ka hidi ene‑nima mai ihi teni. Satanasi‑ka mai toha, Deoso‑ka mai‑mone mai ati na, hini mai ihi‑nima mai manakone naboneni.

Korito yoto‑ke 6:8

Oda‑ya mai one kahiyara, oda‑ya mai one tai, oda tamine‑ya mai kamina, mai one ati amosa, mai one ati amosarihi na, Deoso‑ka oda toharamone mai one ati na, Deoso‑ka oda tohani.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.